Idade Tinan 10-Agripino Seidauk Hatene Tur no Senti Furak iha Kadera Leten

Covalima (RCCT) 16-05-22–Agripino Ximenez, Moris iha Aldeia Ai Oan, Suku Lalawa, Postu Administrativu (PA)Tilomar, Munisipiu Covalima, Agripino sai oan kiak, tan lakon nia Aman Beneditos Seran iha Tinan 2011 wainhira Milena Moniz Cardoso(41) Sei kous iha Nia kanotak foin halo fulan ida ho balun, to’o iha loron 4 Augustu 2012, Agripino Ximenez moris no senti mundu ne’e nia furak maibe lafurak hanesan kriatura seluk nia Goja.

Agripino hanesan oan dahitu husi maun alin nain walu husi fuan domin Beneditos Seran no Milena Moniz Cardoso.

Agripino Ximenes moris ho kondisaun Normal, maibe tan sofre moris depois moris, mak Nia Inan Milena Lori ba Baixa iha Ospital referal Suai iha Tinan 2012, no wainhira Baixa iha Ospital no tau Soru/infus mak Agripino nia Ulun Komesa Bot kontinua sofre to’o agora hodi fo impaktu ba nia la bele tur hanesan ema seluk.

“Nia moris mai di’ak hela, Nia tanis mak barak demais, tan bubu kiik ida iha nia ulun (Baboton), ha’u lori nia ba Hospital besik uma ne’e mak fo ruzukan ha’u lori nia ba Suai, iha neba kalan lima loron lima, nia tanis lapara, nia ulun bot tan bot tan mak hau husu alta, Tanba Infus ne mak tama ba nia ulun ka tun ba nia at mak halo nia ulun bot bebeik ne karik” Agripino Nia Inan Milena Moniz Cardoso Konta iha nia rezidensia, Iha Aldeia Ai Oan Segunda Feira ohin.

Agripino Nia Inan Milena konta tan Komesa moris mai to’o agora, Agripino seidauk tur so hatene deit toba maibe tenki satan ho sumasu naruk iha ninia kanotak.

“Toba ne’e ulun sorin Los (Kwana) mak kona Rai, Tan kanek to hetan fitar rua ona, nia toba ha’u satan ho bantal peluk kiik ne iha nia kanotak para nia kanek labele iha biti.” Tenik Milena

Maske Nune’e Hanesan Inan Milena la lakon Vonatade no Domin ba Agripino nia kondisaun, no nia husu ba entidade balu atu bele apoiu Nia Oan Mane Dahitu hodi bele senti digno wainhira toba.

“Ha’u husu, karik ema balu bele ajuda netik toba fatin ka kama balu, kadera mamar balu para nia mos bele toba di’ak” ho laran triste nia husu.

Milena mos uluk nia ona mane han deit hahan sira ne’ebé mamar hanesan sasoro no sun no hemu deit susun beben hodi habosu kabun. maibe durante ne’e Agripino hemu deit ona be tanba nia kabun la simu atu hemu kolker susuben.

“Selama ne’e ha’u fo nia hemu susu ben, Laktogen pertama, lacocok mak ha’u troka SGM, la cocok tan mak ha’u fo fali Danko coklat, maibe la cocok hotu mak ha’u fo deit be, pois agora nia han sasoro deit maibe dala ruma nia la gosta ona entaun nia tafui sai hotu entaun ha’u agora fo han nia ho sun deit. entaun dader ha’u fo han nia sasoro, meiudia fo fali sun, entaun selama ne’e nia hemu deit Agua no han Sun ho sasoro deit.” Agripino nia Inan Milena Hakotu.

Agripino Ximenez durante moris 10 ona seidauk hatene tur tan kondisaun saude lapermite halo nia obrigadu tenki toba deit iha biti.

Agripino mos Sofre moras matan ne’ebé halo nia labele koñese Nia inan no familia nia oin so deit bele koñese liu husi rona lian.

Kobertura RCCT

Editor      : Chamot Nahac