Covalima (RCCT)-18-05-21. Iha Ambito Covid -19, iha Covalima Servisu Saude Covalima detekta Cluster hamotuk 10 nebe kosidera fatin risku ba Covid-19.
Tanba ne’e ho Cluster 10 ne’e ekipa vizilansia Covalima detekta kazu positivu covid-19 hamotuk 55.
“Ita iha ona Cluster 10 iha Municipio Covalima hanesan iha Polo, Hotel Elivan, Bairo Costa ,Santa Rosa, Aeroportu Akar Laran , Sukabi Laran. Ahinarai, Prizaun ho UPF Salele no agora dadaun ne’e kazu positivu hamutuk lima nulu resin lima kompstu husi mane hat nulu resin lima ho feto ema na’in sanulu” Katak Diretur Servisu Saude Municipio Covalima Filipe Pereira Lemos
Relasiona ho Numeru kazu detektatu positivu iha Privasaun Suai, Pasiente hirak ne’e Ekipa halo Izola deit Pasiente Positivu Coivid-19 iha Areadora Prizaun Suai nebe mak preparadu no Parte Saude halo deit Kontrola.
“sira nebe maka hamutuk lima nulu resin lima ne’e, agora dadaun iha hela izolamentu maibe sira rua nuluh resin sia iha izolamentu prizaun nian, tanba lolos ita sei bele akomoda sira mai iha Izolamentu nebe ita prepara ona, tanba sira hanesan prizoneiros sira la bele sai, no mos ami koordena ona Diretor prizaun tamba ne’e sira iha ona fatin espesifiku ba sira nebe komfirmadu positivu,no ami pessoal saude sira halo kontrola deit” Tenik Diretur DHS
Entretantu Diretor Filipe informa, sira ne’ebe mak hetan Positivu ba Covid-19 nebe iha difilkuldade la bele evakua ba iha sala izolamentu, halo deit Auto karantina iha sira nia uma rasik, nune’e professional Saude sira kopera ho parte seguransa hodi kontrola sira iha, sira nia rezidensia.
Jornalista : Litu de Jesus & Jose Ferreira
Editor : Chamot Nahac
