Hilaria “CCC Kontinua Fasilita Grupu Feto iha Covalima Lori produtu Asesu ba Merkadu”

Letratu: Kordenadora ba Programa Dezenvolvimentu Feto Rurais, Hilaria Amaral do Carmo; Foto (RCCT) Ansa Nunez

Covalima (RCCT) 15-12-21, Durante ne’e Centro Comunidade Covalima (CCC) “sigla Portuguesa” Kontinua Apoiu Komunidade Feto sira liu husi Programa hanaran Dezenvolvimentu Feto Rurais ne’ebé servisu hamutuk ho Grupu Tarzetu Sia (9) iha Munisipiu Covalima hodi halo Produsaun Dose husi Produtu Lokal.

Kordenadora ba Programa Dezenvolvimentu Feto Rurais, Hilaria Amaral do Carmo Hateten Grupu Feto sira ne’ebé CCC kapasita durante hala’o sira nia atividade hanesan halo Produsaun ba Produtu lokal sira hodi asesu ba merkadu tantu Nasional no Merkadu Internasional.

“Programa ho Naran Dezenvolvimentu Feto Rurais Servisu hamotuk ho Grupu Tarzetu Sia (9) ne’ebé mai husi Postu Administrativu (PA) Suai, Fatululik, Maukatar,Tilomar, no Pa sira Seluk ne’ebé maka kobre ona iha CCC no Grupu sira ne’e nia atividade mak hanesan halo dose husi produtu lokal, Hanesan Ai-Lia, marungi, Señora, nu no inklui mos ho Lena, entaun sira mos produz ona dose agora dadaun ne’e sira asesu ona ba iha merkadu no mos sira ba to’o ona Nasional no Internasional” Dehan Hilaria Amaral do Carmo.

Enkuantu Hilaria haforsa CCC liu husi programa Dezenvolvimentu Feto Rurais mos kapasita grupu Haburas Tihadai iha PA Fatululik hodi Kuda modo no koto no mos grupu soru tais.

“grupu haburas Tihadai ne’e iha PA Fatululik, sira kuda Koto,Modo no Seluk tan, no grupu sira seluk hanesan mos soru tais, soru tais sira ne’e sira fa’an maibe folin la hanesan, tan ne’e araska atu asesu ba Merkadu, maibe sira bele haruka sira nia oan ba eskola no bele sustenta famlia uma laran no mos bele sustenta sira nia moris loro-loron ” hateten Hilaria Amaral do Carmo.

Entretantu CCC nafatin esforsu hodi responde ba difikuldade ne’ebé Feto Rural sira infrenta iha sira nia moris loro loron.

Jornalista : Ansa Nunez

Editor     : Chamot Nahac