Covalima ( RCCT ) 07-10-21 Relasiona ho Prezvizaun tempu husi Diresaun Nasional Meteorologia Geofisika Secção de previsão do tempo, MinisterioTransportes Komunikasau ne’ebe fo sai ba Publiku kona ba atu Akontese La Nina iha Timor Leste, maka Covalima Prepara Antes ona Fatin Evakuasaun Permanente ba Vitima Inundasaun sira wainhira akontese no sei fahe informasaun ba komunidade sira hodi bele antisipa no tau antensaun ba Fenomena La Nina nebe atu akontese.
Diretur Servisu Munisipal Protesaun Civil no Dezastre Naturais (PCDN) Quintino da Costa hateten liu husi Diresaun Nasiona Previzaun do tempu nebe publika ona kona ba La Nina nebe atu akontese, PCDN halo planu atu atu fahe informasaun antisipada ba komunidade sira nebe mak hela iha rai tetuk atu atensaun ba Fenomena La Nina nebe mak atu akontese.
“ Ita mos iha planu atu fo Informasaun ka avizu antisipada ba komunidade sira nebe mak hela iha rai tetuk, nebe mak tinan tinan sempre akontese be sa’e, ita fo atensaun, tamba ne’e ba futuru ita sei halo kordenasaun ho parseiru Xave sira nune’e ita iha preparasaun ida nebe mak di’ak liu hodi fahe informasaun ba komunidade sira bele hatene no iha preparasaun nebe mak di’ak antes akontese La Nina. ” Informa Diretur PCDN Quintino da Costa.
Diretur Servisu Munisipal Protesaun Civil no Dezastre Naturais (PCDN) Quintino da Costa ko’alia wainhira talksow iha Studio RCCT, Nia dehan Munisipio Covalima iha ona Sentru Evakuasaun Permanente ida ne’e lokaliza iha Eskola Sekundaria Geral Publiku- (ESGP) Suai.
“ ita sempre uza Edifisiu ida iha ESGP Suai sai hanesan fatin Evakuasaun, maske Komisaun seidauk difini fatin evakuasaun hirak ne’e maibe iha Covalima ita iha Sentru Evakuasaun ida nebe difinitiva hetan apoiu husi doadores, nebe konstrui iha Eskola Sekundaria Publiku Seran kotek, nebe oras ne’e dadaun utiliza atividades aprendizan ba estudante sira maibe ita mos sei utiliza bain hira akontesementu inundasaun, iha Covalima ” Informa Diretur PCDN Quintino da Costa iha programa Talksow iha Estudio RCCT ho topiku Politika Konservasaun Ambienta hodi hamenus Risku Dezastre iha Covalima.
Diretor ne’e hatutan akontese inundasaun ka Dezastre iha Covalima, PSDN halo kopera ho institusaun hotu tantu husi governu no parseiru sira husi Organizasaun naun Governamental sira iha Covalima hodi tau matan komunidade Vitima sira bainhira akontese inundasaun iha Covalima.
“ Akontese inundasaun ka Dezastre iha Covalima, ita mos sei kopera ho instituisaun hotu atu nune’e hodi hare fatin publiku sira nebe mak komunidade sira bele hela, ita espera komunidade sira bele ho kondisaun nebe mak diak, mos kontrola husi parte sira hotu, nebe ita hotu hatene katak Komisaun Risku no Dezastre Munisipio sei dirizi husi Administrador Munispio Covalima hanesan Cordenador, sekretario Administrador hanesan Vice Komisaun, Servisu Gestaun Munisipal mak hanesan Sekretario Komisaun, hamutuk ho komponente sira seluk mak entidades sira nebe mak servisu direta ba komunidade no agensia sira nebe mak servisu iha area Dezasre ” hatutan Diretur PCDN Quintino da Costa
Aproveita oportunidade ne’e Diretur Servisu Munisipal Protesaun Civil no Dezastre Naturais Quintino da Costa, husu ba komunidade atu asegura ida idak nia ai-han antes akontese udan bo’ot nune’e hodi bele aguenta to’o faze rekoperasaun, Diretur ne’e mos husu ba komunidade sira atu hamos be dalan nsira nune’e be la bele intupidu iha tempo udan,
Aleinde ne’e Nia mos husu konsellu Suco sira atu enkoraza komunidade sira nune’e labele paniku bainhira akontese Fenomena La Nina.
Jornalista : Saturnno Soares
Editor : Chamot Nahac
