Covalima (RCCT) 07-09-21, Ministru Justisa halo abertura Formasaun ba Guarda Prijaun Suai kona ba Profesionalidade do Servisu. hodi hasae konhesimentu Jeral ba Guarda Prijaun sira nune’e bele sai Profesional liu tan.
Iha abertura ne’e Ministro Justisa (MJ) Manuel Carceres da Costa hatetne Formasaun ne’e realiza bazeia ba nesesidade nebe mak persija nebe Liga ho servisu profesionalidade ba kada Guarda Prizaun sira nian.
” Ohin ami mai fo formasaun iha ne’e, atu hasa’e sira nia matenek, Formasaun ne’e halo tanba Sira nia nessesidade nebe Sira presiza, oinsa bele hala’o kna’ar ho profesional, maibe depois ida ne’e hotu Ha’u sei mai halo avaliasaun hodi hatene sira nia matenek ne’e to’o iha nebe “ Ministro Justica ne dehan.
Iha Fatin ne’e Inspektur Guia do Ministru da Justica Lucas Antonio da Costa mos informa hala’o bazeia ba Gavenete Inspeksaun iha Mj nia Auditoria nebe nebe hatudu rezultadu Guarda Prizaun barak mak sei kontra regras no Prosedimentu nebe Estabelese iha Prizaun.
” Formasaun ne’e bazeia ba Gabinete Inspeksaun Auditoria hahu husi Tinan 2018 to’o agora, entaun hatudu ninia rejultadu katak Guarda lubuk ida maka kontra regras no prosedimentu nebe existe iha Prijaun sira, tanba ne’e maka Formasaun ne’e atu motiva sira oinsa ba Futuru sira la bele komete tan iregularidade” Lucas dehan.
Iha Fatin Administrador Munisipiu Covalima Francisco de Andrade iha nia diskursu husu Guarda Prizaun sira atu tuir formasaun ho seriu, atu nune’e ba futuru oinsa bele servisu sai profesional.
” Ohin loron ita bo’ot sira hetan oportunidade di’ak Ida, maske ho situasaun difisil maibe sira mai to’o iha fatin ne’e tanba interese ita bo’ot sira, nebe ha’u husu ita bo’ot sira tenki tuir formasaun ida ne’e ho serius, nune’e bele komprende materia nebe maka sira fo, atu nune’e oinsa maka servisu sai profesional “ Francisco dehan iha nia deskursu .
Entertantu iha serimonia nebe abertura husi MJ Manuel Carceres da Costa ne’e partisipasaun husi Komandante Operasional PNTL Covalima, Administrador Munisipiu, no Diretor Notariado Covalima inklui Diretor Servisu Solidariedade Sosial Covalima, no Partisipasaun Maximu husi Guarda Prijaun Suai hamutuk 39, no Formasaun ne’e hala’o durante Semana ida iha Prijaun Suai.
Jornalísta : Tynho Gusmao
Editor : Chamot Nahac
