Covalima (RCCT ) 17-11-21, Pessoal Saude iha Postu Administrativu (PA) Fohorem halo Vasinasaun Dor to Dor iha Suco Fohorem Aldeia Fatuk Laran, la’o to’o Komunidade To’os hodi Halo Vasina ba nebe seidauk Kompleta Vasina Kontra Covid-19 Faze daruak. Nune’e bele atinzi 100% Komunidade Simu Vasina iha PA Fohorem.
Ko’alia ba Xefe Suco Fohorem Hanesan kontributor Jonalizmu Sivika ba RCCT Responsavel Ekipa Vasinasaun PA Fohorem, Marito da Costa hateten Objectivo buka komunidade iha to’o’s ne’e tanba ho razaun hakarak komunidade iha PA Fohorem hotu-hotu tenki simu Vasina Kontra Covid-19 tamba Komunidade barak sedauk simu vasina Doze kompleto .
“Objectivo ami buka Komunidade iha to’os ne’e tanba ami halo atividades dor to dor ne’e ami to’o iha Aldeia Fatuk Laran, ami rona informasaun katak komunidade sira halibur malu iha Xefe Suco nia to’os, ho informasaun ida ne’e mak ami mai iha fatin refere ho razaun ida katak hakarak ami nia Komunidade iha PA Fohorem hotu-hotu tenki simu vasina Kontra Covid-19, tanba Komunidade balu seidauk simu vasina ba Segundo Doze no balu mos seidauk simu Primeira doze” Dehan Rresponsavel Ekipa Marito da Costa
Marito hatutan iha PA Fohorem Komunidade ne’ebé mak simu ona Vasinasaun Covid-19 hodi hasa’e sistema imunidade hamutuk noventa Pursentu (90%).
“ Ami nia hakarak ne’e Komunidade iha Postu ida ne’e hotu-hotu simu Vasinasaun Kontra Covid -19 atu nune’e hasa’e sira nia sistema imunidade hodi Kontra Covid-19 iha PA ida ne’e, no oras ne’e dadaun iha PA Fohorem numeru ema ne’ebé simu Vasinasaun tama ona noventa Pursentu( 90%)” Nia hanaruk
Iha sorin seluk Xefe Suco Fohorem Fernando Ferreira dadehan ba RCCT via telefone, Servisu ne’ebé pessoal profesional Saude ne’e orientasaun Governu nian hodi prevene Komunidade sira husi Covid -19.
“Nu’udar Lideransa Komunitaria hare ba sira nia servisu ne’ebé mak Hala’o bazeia ba orientasaun ne’ebé katak pessoal saude sira hala’o kna’ar oinsa mak kolabora ho autoridade lokal no seguransa sira hodi forma linha frente atu hodi prevene covid -19 ho ida ne’e” Informa Xefe Suco Fohorem Fernando Ferreira Via Telefone ba RCCT Quarta Feira (17/11)
Nune’e mos Xefe Suco ne’e fo apresiasaun bo’ot ba pessoal saude tan esforsu an buka tuir Komunidade sira ne’ebé sedauk simu vasina kontra Covid-19 Maske La’o tama to’o to’os laran.
“Ami nu’udar Autoridade lokal apresia ba pessoal saude sira tanba sira luta hasoru Covid -19, sira nafatin esforsu an hodi buka ema ne’ebé mak sedauk simu Vasinasaun, tanba ema balu ne’ebé mak sedauk simu Vasinasaun ida ne’e mos bele fo impaktu ba ba ema seluk no sira rasik labele salva sira nina an diak liu simu vasinasaun” Fernando espresa
Entretanto Xefe Suco Fohorem hateten durante ne’e pessoal saude sira iha linha kordenasaun di’ak ho Autoridade lokal no Seguransa sira hodi hala’o atividade ba prevensaun Covid-19.
Eskritor : Jhana Cardoso
Editor : Chamot Nahac
