Hahu 2017 To’o Agora Estudante EBC Beco Lalin Be Husi Uma Apoiu Programa Merenda Eskolar

Letratu: Diretór Eskola Baziku Centra (EBC) Beco Quintinho Quintão/Foto RCCT;Jhana Cardoso

Covalima (RCCT)22-05-22—Durante Tinan barak ona Eskola Baziku Central (EBC) Beco infrenta problema Bee mos tanba Be Posu ne’ebé iha maran tanba impaktu husi bailoro, nune’e Diretór EBC Beco Quintinho Quintão hateten komesa 2015 sira hamos Be posu ne’e hodi uza ba iha nesesidade loro loron maibe iha tempu bailoron Be ne’e maran nafatin halo estudante sira obrigado leba Be husi Uma ba Escola

Ami nia Be Posu iha hela ne’e, ami hamos hahu iha 2015, ami hamos no uza Be ne’e ba nesesidade loro loron maibe kada vez iha tempu bai loro Be ne’e maran no ami labele uza entaun hakarak ka lakoi labarik sira tenki lori nafatin Be husi uma mai Eskola tanba utilizasaun merenda Eskolar ba grupu fornesedor presija Be ne’ebé mak barak” dehan Diretór Eskola Baziku Centra (EBC) Beco Quintinho Quintão foin lalais ne’e iha nia k’nar fatin EBC Beco

Nia hatutan Be Posu ne’e sira hamos no uja durante tinan rua deit hahu husi 2015 to’o 2017, maibe tanba iha tempu bailoro meran no intupidu nune’e eskola desidi para hamos Be Posu ne’e.

“Bee iha posu ne’e ami uza hahu husi 2015 to’o ba iha 2017 deit Be ne’e ita hamos mos tempu bai loro ne’e sempre maran hela deit entaun iha 2017 mai leten ne’e ami haruka labarik sira lori Be husi uma mai Eskola deit hodi uza ba tein tanba Be ne’e Be posu ami atu hamos mos baruk ona entaun agora ne’e Be ne’e maran no agora intupidu hela, ne’ebé dezafiu konaba Be ne’e ami hasoru hahu kedas husi 2017 mai to’o ohin loron (2022) ” Nia haktenik

Entretantu Diretór EBC Beco Quintinho Quintão hatete kada enkontru nia mos hato’o bebeik dezafiu ne’ebé mak sira infrenta ba Edukasuan Munisipiu no halo proposta ba iha organizasaun Sosiedade Sivil sira maibe to’o ohin loron seidauk hetan resposta.

Jornalista : Jhana Cardoso

Editor        : Chamot Nahac