Haforsa Servisu Protesaun Sivil – Ismael da Costa Babo:“ Covalima iha rekursu Prinsipal hat”

Covalima (RCCT) 15-09-21, Relasiona ho Vizita trabalho ba Pesoal Servisu Protesaun Sivil Iha Covalima, hodi observa Direita servisu ba Protesaun Sivil nian iha Covalima.

DG Protesaun Sivil Ismael da Costa Babo Informa ba RCC, Covalima iha Diresaun hat (Diresaun Nasional Gestaun Risku Dezastre, Diresaun Nasional Bombeiros, Diresaun Nasional Seguransa Patromonio Publiku, Diresaun Nasional Prevensaun komersiu komunitario.) mak rekursu principal atu hodi haforsa tan Servisu Protesaun Sivil nian.

Diresaun hat ne’e, sai hanesan forsa ba Protesaun Sivil kualker momentu, situasaun saida deit mak akontese diresaun hat nia rekursu tomak hamutuk sai hanesan rekursu principal iha Municipio Covalima, depois konsilida fali linhas ministesrais iha Covalima Autoridade Municipio no parseirus sira seluk atu nune’e situsaun desastre ruma akontese bele hakma’an komunidade sira nia susar no terus” Ismael da Costa Klarifika.

Diretur Geral Protesaun Sivil Ismael da Costa Babo, dehan objetivu husi vijita ne’e, atu observa rasik kondisaun Servisu iha Covalima, hodi nafatin fo Motivasaun nune’e promove Servisu interese Governu nian ba Komunidade sira.

Objetivu ami vijita ne’e atu ko’alia ho sira, fo motivasaun katak sira la la’o mesak, husi Nasional mos nafatin akompanha, no sira nafatin promove servisu interese Governu nian, interese publiku ba ita nia Komunidade sira” katak Diretur Geral Protesaun Sivil

Nia mos husu ba Ajente Sira atu la bele mete iha partidus politikus hodi hamasu problema iha ambiente servisu protesaun sivil ninian.

No mos husu ba sira hodi promove nafatin Esprito Nasionalismo, tenki hado’ok an husi arte marsiais no partidus politikus, atu nune’e la bele mosu problema iha ambiente pretesaun sivil nia” Dehan Ismael da Costa Babo.

Diretur Babo rekonhese Covalima sei menus rekursu humanus no infresturtura tamba ne’e mak Diretu Geral Protesaun Sivil hamutuk ho Diretur Nasional Bombeiros nafatin esforsu hodi planu ba situasaun sira ne’e.

Jornalista : Aje Ferreira

Editor      : Chamot Nahac