Covalima (RCCT) 16-11-21, Sekretario Estado Juventude no Desportu (SEJD) tanba ne’e Tersa Liu husi Centru Juventude Covalima (CJC) entrega ona osan rihun 19,250.00 dolares Amerikanu ba Grupu Juventude hamutuk 26 husi Postu Administrativu 7 iha Municipio Covalima.
Direktur CJC Calistro Leite Gusmão husu ba Grupu 26 nebe mak hetan Apoiu transferensia publiku husi sekretariu Estadu Juventude Desportu (SEJD) atu utiliza Orsamentu ne’e hodi hetan rezultadu nebe di’ak.
“Husu ba Grupu 26 tenke uza osan ne’e hatudu rezultadu,tanba orsamentu ne’e bo’ot tebes ne’ebe loron ida husi osan nain sei mai hare ita bo’ot sira Grupu nebe mak hetan apoiu ne’e, tanba ne’e ita bo’ot sira tenke hatudu rezultadu positivu ba ema osan nain sira mai,”dehan Direktur CJC Calistro Leite Gusmão.
Enkuantu Diretur CJC mos esplika husi Grupo 111 mak hatama proposta ba programa empededorismu Suco maibe grupu 26 mak pasa iha Selesaun proposta.
“Iha Grupo 111 mak hatama proposta ba ba programa empededorismo Suco ne’e maibe Grupo 26 mak pasa total osan ne’e $.45.00 ita Apoiu orsamentu ba Grupo 26 ne’e hamutuk $.19,250.00” katak Carlito Leite Gusmão
Entretantu Representante husi Grupu Haburas Unidade Erna Wati Pereira apresia ba CJC Covalima nia programa emprededorismu tanba apoiu ona grupu ho montante osan 750.00 dolares Amerikanu hodi bele hamoris sira nia Grupu.
Jornalista : Aje Ferreira
Editor : Chamot Nahac
