Covalima (RCCT) 29-04-22, Komisaun Regulador Arte Marsial (KRAM) Munisipiu Covalima organiza Arte Marsial ho Arte Ritual iha Munisipiu Covalima hodi halo limpeza jeral iha igereja Ave Maria Suai molok tama hala’o asaun Dame no Paz iha Munisipiu Covalima ne’ebé mak sei organiza husi KRAM Sabado aban (30/04)
Reprezentante Komisaun Regulador Arte Marsial Munisipiu Covalima (KRAM) João de Jesus Sita hateten molok hahu asaun Dame entre Arte Marsias no Arte Ritual sira hotu iha Munisipiu Covalima KRAM organiza hodi halo limpeja jeral .
“Antes atu hahu Asaun Dame Pas ba Artemarsias ho arteritual iha Munisipio Covalima antes ne ami halo perparasaun limpeja jeral iha igereja Ave Maria Suai atu hodi tama ba asaun Dame entre Artemarsias no arteritual iha Munisipiu Covalima no agora dadaun konaba perparasaun limpeja no fatin ne’ebe mak atu hodi halo asaun Dame no Paz.” Katak João de Jesus Sita ba Jornalista sira.
reprezentante KRAM ne’e hatutan Asaun Dame no Paz ne’e sei realiza salaun igreja Ave Maria Suai ne’ebé sei selebra mos Misa.
“Asuntu mak atu foku liu ba iha Artemarsias sira hotu iha Munisipio Covalima mak hanesan atu hari asaun Dame ho Pas iha Munisipiu Covalima rasik no sei fahe paletra hosi KRAM Nasional.”tenik João de Jesus Sita .
Informasaun ne’ebé RCCT Asesu Atividade Asaun Dame ne’e sei realiza iha loron Sabado (30/04/22) ne’ebé sei hahu ho misa iha oras 08.00 dader to’o Remata iha igreja Ave Maria Suai.
Engkuantu Partisipa iha Limpeza ne’e husi Grupu Arte Marsial sira mak hanesan Kork, PSHT, Kera Kakti (IKS-PTL), Rajawali, Kongfu Master, Karatedo no Arte Ritual sira ( Kolimau 2000, 77, 55).
Jurnalista : Alito de Jesus
Editor : Chamot Nahac
