Governu Sei Kondekora Veteranu Na’in 20 Iha Covalima

Covalima (RCCT) 21-11-22–Prezidente Konsellu Veteranu Munisipiu Covalima Osorio Soares Mausoko, informa, veteranu Munisipiu Covalima na’in 20 sei simu kondekorasaun ba ordem rua, iha ambitu Komemerasaun loron proklamasaun independensia ba da 47.

“Iha ambitu komemora loron proklamasaun independensia Timor Leste veteranu Covalima na’in 20 sei simu kondekorasaun medalla ordem rua iha covalima”,  Osorio Soares Mausoko hato’o ba jornalista sira, iha nia kna’ar fatin tabakolot,Segunda (21/11).

Iha ambitu komemorasaun ne’e medalla ba veteranu sira ne’e, sei atribui husi Vise Primeiru Ministru Konsellu Veteranu no Administrador Munisipiu Covalima sei entrega medalla odem rua ba veteranu na’in 20 iha Covalima.

Governu kondekora veteranu na’in 20 iha Munisipiu Covalima ne’e ho Medalla Ordem Nicolau Lobato no ordem Gerilla.

Kondekorasaun veteranu na’in 20 ne’e mai husi Postu Administrativu sira hanesan , Fohorem na’in haat (4) simu medalla ordem Nicolao Lobatu no na’in ida medalla ordem Gerilla, Postu Suai  na’in 6 ho medalla ordem Nicolau Lobato, Postu Maukatar veteranu na’in 5 simu medalla ordem Nicolao Lobato, Postu Fatumea  na’in 3 sei simu medalla ordem Nicolao Lobato no Postu Fatululik na’in rua simu ordem Nicolao Lobato.

Reportazen RCCT