Covalima ( RCCT ) 21-10 -21,Jestaun Merkadu Suai Disidi Hasai Vendedores Ropa Obralaran Husi Merkadu Tuan Suai Ba Merkadu Foun Maibe Governu Seidauk Prepara Fatin Nebe Dignu Iha Merkadu Foun Ba Vendedores Sira, Tanba Ne’e Vendedor Sira La Ba Fa’an Iha Merkadu Foun Tanba Governu Seidauk Prepara Kondisoens Nebe Di’ak Ba Vendedores Aleinde Ne’e Mos Seidauk Iha Instalasaun Eletrisidade No Kanalizasaun Be.
Ba Jornalisra Xefe Merkadu Suai Mafalda Cardoso Da Costa Hateten Durante Ne’e Vendedores Sira Hasoru Difikuldade Kona Ba Fatin Atu Fa’an Sasan, Tanba Ne’e Vendedor Fa’an Obralan Barak Mak Okupa Fatin Fa’an Modo Nian No Vendedor Sira Ne’ebe Mak Fa’an Modo Sira Fatin La Iha Atu Fa’an Sira Nia Modo.
“ Durante ne’e Vendedor sira iha merkadu suai iha difikuldade ba fatin tanba vendedor sira nebe mak fa’an Obralan okupa hotu vendedor fa’an modo nia fatin no vendedor sira nebe mak fa’an modo sira ne’e fa’an deit iha Estrada oin, tanba ne’e Hau nudar Xefe Merkadu servisu hamutuk ho Director Gestaun Merkadu hodi buka solusaun ba Vendedor sira nebe mak fa’an obralan hodi muda sai ba fa’an iha Estrada ibun husi parte Hospital Referal nia Moru hun, tuir lolos fatin neba ami nia vendedor sira la bele fa’an tanba fatin neba hanesan Estrada publiku maibe ho obrigado tenke fa’an hodi buka moris no ami atu muda ba merkadu foun maibe husi governu sei dauk prepara kondisoens nebe mak di’ak mai ami ” Xefe Merkadu Mafalda Cardoso da Costa.
Iha loron hanesan Director Gestaun merkadoria Damiao Amaral hateten, Provizoriamente Vendedor obralan fa’an iha estrada ninin hodi hein kondisaun merkadu foun hodi hein instalasaun Eletricidade no kanalizasaun be’e.
“Gestaun Merkadu koloka vendedor sira fa’an obralan iha modo fatin ita hasai ba liur, maibe ami hakarak hateten ba vendedor sira nebe mak fa’an obralan iha Estrada ibun sira ne’e temporaria deit hodi hein kondisaun merkadu foun wain hira halo instalasaun bee no eletrisidade hotu sira sei mud aba merkadu foun ” Dehan Director Gestaun merkadu Damiao Amaral.
Entretanto tuir Diretor Gestaun Merkadoria Damiao Amaral hateten sira nia parte sei esforsu hodi buka solusaun Vendedor Obralan sira nune’e bele hetan fatin nebe mak Dignu.
Jornalista : Saturnino Soares
Editor : Chamot Nahac
