Covalima (RCCT) 13-03-23–Ministru Obras Públika, Abel da Silva Pires, Sexta (10/03) foin lalais informa oitavu governu liu husi Ministeriu Obras Públika (MOP) hahu halo ona tenderizasaun ba kompaña sira halo dezeñu ba estrada nasional iha lina fronteira hahu husi Bobonaro to’o Covalima.

Governante ne’e dehan estrada sira ne’ebé oras ne’e ladi’ak, Governu liu husi MOP esforsu hela atu hadi’a ne’ebe dadaun ne’e ninia prosesu tama ona ba tenderizasaun. MOP relata iha Aldeia Aitou Suku Fatululik, Postu Administrativu Fatululik dehan Oitavu governu atu hadi’a estrada ne’e hahu husi Munisipiu Bobonaro mai Altu Lebos, Altu Lebos mai Aitoun liu ba Suku Dato Rua, Fohorem, Dato Rua sei liu ba Fatumea tun ba fali Tilomar ne’e tama estrada nasional.

“agora daudauk kompaña iha ona ne’ebé manan tenderizasaun ba halo dezeñu, estrada husi fali Tilomar ba fali Fohorem vila mai fali Suku Dato Rua liu ba Laktos, Laktos tun ba fali Suku Dato Tolu mai falo Fatu-Loro Fatululik, ne’e kuandu dezeñu hotu ita ba tender, kuandu tende hotu rai oan ne’e furak ona” informa Ministru Obras Públika, Abel da Silva Pires, iha nia deskursu hafoin hala’o lansamentu ba Tore foun COO17 Telemor iha Covalima ne’ebé hala’o iha Aldeia Aitoun, Suku Fatululik Sesta (10/03).

Abel afirma wainhira asume responsavelidade hanesan MOP simu liamenon husi Xefe Governu Taur Matan Ruak atu foka hodi hare estrada.

“Tanba sa mak ita esfosu lalais atu resolve kedas estrada ida ne’e, tinan kotuk kuandu hau foti responsabilidade ida ne’e, tanba simu fiar husi ita nia nai Primeiru Ministru Taur Matan Ruak, lia fuan ne’ebé maka ita nia PM hameno maka atu hare didi’ak ba estrada ne’e tanba importante liu ba ita nia inan aman sira, tan ne’e check kedas konaba dezeñu laiha ita inisia kedas prosesu atu halo dezeñu, dezeñu ne’e sei han tempu uitoan hau nia inan aman sira, maibe naran katak ita hahu ona prosesu atu hadi’a” nia dehan.

Membru governante ne’e afirma dezeñu seidauk iha ne’e imposivel atu ko’alia konaba bainhira maka atu hadi’a, ninia prosesu maka kleur duni mas ida ne’e importante atu mantein disiplina atu gasta tan osan ne’e ho didi’ak, ne’ebé loron ida kuandu dezeñu ne’e hotu sei hakat ba iha tenderizasaun, kuandu tender hotu MOP rasik mak sei mai lansa kuandu eleisaun iha fulan Maiu mai ne’e Fatululik oan ne’e sei nafatin sai Ministru Obras Públik.

Iha Aitoun, Xefe Suku Fatululik Carlos Mendonca, dehan ko’alia konaba estrada ne’e programa governu nian maibe nudar lider komunitaria akompaña deit kuandu iha tinan ida ka rua laiha rezultadu maka foin halo proposta hodi hasa’e ba iha ministeriu.

Jornalista : JS

Editor       : CN