Covalima (RCCT) 10-12-21, Diretór Assoasaun Halibur Difisiensia Matan Timor Leste (AHDMTL) Gaspar Afonsu husu ba Komunidade Covalima, ne’ebé sira iha oan problema ho matan husi ba hamotuk ho AHDMTL hodi aprende ka tuir treinamentu iha Dili.
Gaspar Afonso kasu lia ne’e iha Sede Aldeia Haemanu Suco Postu Administrativu Suai, wainhira selebra komemorasaun Loron Direitu Umanus hamotuk ho ema Difisiensia sira iha Covalima iha Suco Beco.
“Ha’u husu ba Komunidade Covalima atu husik imi nia oan sira ne’ebé mak Problema matan nune’e sira bele aprende lian Portuges, Ingles no Komputador no tuir treinamentu kanta no seluk seluk tan iha Dili, se sulan deit maluk Defisinte matan lakon nia futuru no esperansa no iha kriatividade no kanta no seluk seluk,” Diretór AHDMTL Gaspar Afonso Konfesa ba Jornalista sira Sexta (10/12)
Haktenik Diretór Ezekutivu AHDMTL, Iha Covalima ema difisiente matan barak maibe inan Aman lakoi husik hodi aprende no tuir treinamentu tanba kestaun ho atendementu ne’ebe husi Assosiasaun.
“ Municipio Covalima iha ema ho problema matan barak, maibe familia la iha fuan no neon atu husik sira nia oan tuir treinamentu, sira nia razaun mak ami fo han no hatais di’ak ka lae, maibe ne’e sala, tamba ema ho difisiensia matan iha futuru no iha esperansa bele dansa no bele halo buat hotu,” Tenik Gaspar ba Jornalista sira
Entretantu dadus ba ema ho difisiente matan iha Timor Leste hamotuk atus rua hat nulu resin lima (245) maka registu ona, ne’ebé sei fo prioridade ba ema ho defisinte sira ne’ebé mak atu tuir treinamentu ka aprende Lian sira iha AHDMTL.
Jornalista : Saturnino Soares
Editor : Chamot Nahac
