Covalima ( RCCT ) 04-10-21, Liu husi Ekipa Gavinete Sosiedade Civil ( GASC ) Primeiro Ministro ( PM ) nian ho numeiro Refrensia 205 / GAP / GASC / DNAF / IX / 2021 ko naba porgrama Premiu Nutrisaun, liu husi Primeiru Ministro hodi fahe ba Autoridade Lokal sira iha Munisipal.
Iha Sosializasaun ne’e Cordenador Gavinete Apoiu Sosiedade Civil Filipe da Costa hateten husi Gavinete Apoiu Sosiedade Civil ( GASC ) Hasoru malu ho Autoridade Munisipio, Lideransa komunitaria no Graupo Agricultur sira hodi fahe Informasaun konaba Premiu Nutrisaun.
“ ohin mai mai iha Munisipio Covalima hodi hasoru Liders Komunitario, Administrador Posto sira, Grupu Komunidade, Grupu Feto, Juventude no Grupu Agrikultur sira, hodi fo informasaun konaba Premiu Nutrisaun, ne’ebe Primeiro Ministro Lansa tiha ona iha Dili.Ami senti Munisipio Covalima fatin ne’ebe e do’ok husi Kapital, tamba ne’e dalaruma ita nia autoridade sira menus informasaun hirak ne;e hodi passa ba komunidade sira atu kompete iha Premiu Nutrisaun ne’e ” Informa Cordenador GASC Filipe da Costa.
Enkuantu tuir Cordenador Gavinete Apoiu Sosiedade Civil ( GASC ) ne’e dehan Objetivu husi Sosializasaun ne’e atu inspira no fo valor ba atividade no asaun sira nebe lideransa Komunitaria ho nia komunidade halo ona iha sira nia Suco laran.
“ Objetivu atu inspira, Apresia no fo valor ba atividade ka asaun sira nebe mak lideransa Komunitaria ho nia komunidade halo ona iha sira nia Suco laran, dala ruma atividades di’ak barak mak Xefe do Suco ho nia Komunidade sira halo iha sira nia Suco laran ne’e di’ak maibe ema la hatene, tamba ne’e husi Gavinete Apoiu Sosiedade Civil loke oprtunidade ida ne’e hodi hatama sira nia nomesaun iha ami nia gavinete hodi hetan Premiu ida ne’e ” Tenik Cordenador GASC Filipe da Costa.
Entretantu iha Sosializasaun ba Programa Premiu Nutrisaun ne’e realiza iha Salaun IAED Munisipio Covalima no partisipa maximu husi Autoridade Munisipio, Posto, Xefe do Suco, Sosiedade Civil, grupu To’os na’in, grupo Feto no grupu Joventude sira.
Jornalista : Saturnino Soares
Editor : Chamot Nahac
