Funsionariu Terras no Propriedade Covalima Kompleta ona Simu Vasina Covid-19 Faze III

Covalima (RCCT) 10-05-22–Funsionariu Pulbiku, Kontratu no Voluntariu hamotuk na’in 15 iha Terras Propriedade Covalima Kompleta ona simu Vasina faze datoluk hodi aumenta Imunidade isin no Prevene moras Covid-19.

Diretór Terras Propriedade Covalima, Helder Gudinho Martins Konsidera Simu Vasina Covid-19 Faze segundu to’o terseiru ne’e hanesan parte ida kontribui ba programa Governu nian.

Simu Vasina husi Primeiru Faze to’o Terseiru Faze ne’e Importante ba Funsionariu sira nia Saude rasik, hanesan mos parte ida kontribui programa estadu nian” Dehan Diretór Terras Propriedade Covalima, Helder Gudinho Martins ba RCCT hafoin Simu Vasina Faze da toluk iha Edifisiu Terras no Propridade Covalima, Tersa Feira ohin.

Helder afirma hanesan funsionariu Publiku importante atu simu Vasina Covid-19 Faze datoluk, hodi bele priensa rekizitu balu ne’ebé persija liu liu iha area Ministeriu Justisa, Terras no Propriedade.

Vasina Terseira Fez ne’e importante ba Funsionariu sira, liu liu aban bain rua karik iha, buat konaba funsionariu sira nian, ne’e importante tebes, husi ne’e ba oin kartaun Kinur ne’e importante sira, liu liu iha area Ministeriu Justisa- Terras no Proriedade nian. Helder klarifika.

Entretantu Funsionariu Terras no Propriedade Covalima ne’ebé Kompleta ona Simu Vasina Covid-19 faze datoluk hamotuk ema na’in 15, kompostu husi Funsionariu Publiku na’in 5, Kontratudu na’in 6 no Voluntario na’in 3, no Funsionariu delegasaun husi Administrasaun Covalima mai Terras no Propriedade ema na’in 1.

Kobertura RCCT

Editor      : Chamot Nahac