Covalima (RCCT) 12-08-21 Fundasaun Alola hetan fiar husi UNFPA-TL hodi distribui pakote maternidade ba Municípiu sia (9) inklui RAEOA, ba Fasilidades Saúde hamotuk 14 nebe afeta ba inundasaun iha Loron 4 Fulan Abril Tinan ne’e.
Ba Jornalísta RCCT, Kordenadora Sentru Rekursu Feto ba Programa Advokásia Apolonia Maria da Costa iha intervista hateten, iha Município Covalima Fundasaun Alola entrega pakote maternidade ho kuantidade 35, nebe fahe ba Sentru Saúde Postu Suai hamotuku pakote 20 no Hospitál Referal Suai Pakote 15, no Kada pakote maternidade kompostu husi pasta ida no biti ida, inklui sasan bebé nian no nsst.
“ Pakote nebe maka iha hamutuk atus rua hat nulu resin lima (245) entaun desloka mai iha Covalima ne’e tolu nulu resin lima (35), ne’ebe rua nulu (20) ita fahe iha ne’e, ba Hospital Referal hamutuk Sanulu resin lima (15), kada pakote maternidade kompostu husi Pasta ida, biti ida, lipa depois patu de bañu ba feto haat, kamiza ba ema bot, sabaun no sampo, eskova nehan ho pasta dente ida, toalla rua, sinelos nsst ” Apolonia dehan.
Aleinde distribui pakote maternidade, fahe mos brosura matadalan, kona ba informasaun advokásia no mos kona ba foin sa’e idade puberdade, hodi haforsa sira, bainhira hetan konplikadu ruma bele hakbesik ba pessoal Saúde hodi hetan atendimentu.
“Fahe pakote ida ne’e inklui mos fahe brosura matadalan sira kona ba informasaun advokasia nian no mos informasaun kona ba foin s’ae idade puberdade hodi haforsa sira oinsa iha moras ruma bele hakbesik pessoal Saúde sira, depois iha brosura ho mata dalan ne’e iha mos kazu violensia doméstika nian nsst ” Katak Kordenadora Sentru Rekursu Feto ba Programa Advokásia Apolonia Maria da Costa.
Entretantu atu kontinua ba programa ne’e, depende suporta husi parseiru deszenvolvimentu sira, maibe Fundasaun Alola nia programa Saúde Inan ho Oan nafatin servisu hamutuk ho Komunidade sira, tamba ne’e nafatin enkoraja inan isin rua sira atu hakbesik Sentru Saúde sira, nune’e bele hetan atendimentu.
Jornalísta : Tynho Gusmão
Editor : Chamot Nahac
