Covalima (RCCT) 28-01-22, Inan faluk ho naran Terezina Gusmão (defisiente) hela hamutuk ho nia oan na’in 6, durante fulan ida ona inan faluk ne’e infrenta hahan laiha nune’e obrigadu tenki han deit kulu tasak no nu ho kulu tasak hodi aguenta netik sira nia moris, Terezinha laiha forsa atu servisu toos no buka osan ba nia familia. Tanba hetan insidente husi kareta baku fila iha iha tinan 6 liuba. Rezulta nia ain loos aleza, iha Aldeia Lela Suco Holpilat, Postu Administrativu Maukatar, Munisipiu Covalima.
Notisia Relevante : https://www.rcct.tl/lao-uja-ai-tonka-inan-faluk-terezina-gusmao-servisu-makaas-hodi-sustenta-oan-ba-eskola/
Inan faluk ne’e konta ba Jornalista RCCT dehan, durante ne’e, dadersan sira hamotuk ho nia oan sira la’o ba buka kulu ho nu iha Kafe laran Nune’e bele uja hodi aguenta moris, maibe dalaruma la hetan hodi aguenta de’it ho be durante loron tomak ida.
” Durante fulan ida ona, ami han de’it nu ho kulu, ne’ebé loron ha’u ho ha’u nia oan sira ba kafe laran hodi buka kulu ho nu, depois fila mai ami han de’it ida ne’e, karik la hetan ami hemu be deit, depois ha’u labele halo to’os tanba ha’u uja deit aitonka, ha’u nia oan sira mos mesa ki’ik” Inan Faluk ho kondisaun Difisiensia ain ne’e dehan iha nia rezidensia (28/01).
Tuir informasaun ne’ebé Jornalista RCCT asesu husi vijiñu sira, durante ne’e Inan Faluk ho kondisaun Difisiensia ain Terezina Gusmão husu deit batar no fos iha vijinu sira. Nune’e Sesta-Feira ohin (28/01) Ferdinandus M. Gusmão husi Aldeia Lela Sosa fos saka ida ho Bimoli Litru lima hodi fo apoio pessoal ba Terezina ho familia hodi aguenta durante semana ida ka liu.
Notisia Relevante :https://www.rcct.tl/roccov-apoio-aihan-ba-inan-faluk-terezina-iha-lela/
Xefe Suco Holpilat Emilio Gusmão Kompromesa sei kopera ho servisu Sosial Covalima hodi hetan Apoio Fos ba Inan Faluk Terezina ho nia Familia.
“ Segunda mai ha’u sei koalia ho Xefe Aldeia para ami halo karta hodi ba husu Apoio Fos iha Servisu Solidaridade Sosial, nune’e bele Ajuda Familia ne’e” dehan Xefe holpilat ba RCCT Via Telefone Sexta Feira (28/01)
Relasiona ho situasaun no kondisaun ne’ebé Terezina Gusmão ho Familia Infrenta, RCCT konfirma Servisu Solidaridade Sosial Covalima, Pronto tau matan ba Sidadaun Volnuravel sira iha kolker situasaun wainhira persira tulun.
“Ita bele Ajuda, maibe Persija Xefe Suco halo karta Pedidu ida hodi bele husu Fos” katak Diretor Interino Servisu Sosial Covalima Idelfonso da Costa Amaral ba RCCT Via telefone
Inan Faluk ho kondisaun Difisiénsia Ain Tarezina Gusmão iha oan na’in ne’en, Oan dahuluk ho idade 21, oan daruak ho idade 21, no oan datoluk ho idade 17 restu maioria sei ki’ik hotu.
Notisia Relevante : https://www.rcct.tl/hetan-tulun-husi-rhto-iha-covalima-terezina-gusmao-sei-hetan-subsidiu-husi-governu/
Terezinna Nia Oan dahuluk la eskola, no oan segundu remata deit Ensinu Baziku no lakontinua tanba Terezina la iha kbi’it atu suporta oan ba Eskola, no Restu sei iha Ensinu Pre-Primariu
Terezenha Gusmão nia La’en Naran Jose Gusmão, Nia mane ida ne’ebé di’ak no iha domin bo’ot ba Terezina ho sira na’in 2 nia oan na’in 6, maibe Maromak Hadomi liu Apa Jose tan ne’e, Maromak hafahe Apa Jose Gusmão, ho Ama Tereziha Gusmão no sira nia oan na’in 6 iha 2016.
Jornalista : Aje Ferreira
Editor : Chamot Nahac
