Covalima (RCCT) 06-09-21, Liu ona tinan 22 Fres da Costa sasin ba Amo Nain 3 no Sarani Lubuk ida nia mate iha Igreja Ave Maria Suai (06-09-1999) Sei nafatin Senti Trauma ho Kolker Atetude brutalizmu nebe mosu ka akontese besik nia sorin.
Fres hanesan sasin uniku nebe hare ho matan milisia sira oho amo nain 3 iha igreja suai, Momentu neba Fres sai hanesan Sofer iha Igreja Suai hodi tula amo nain 3 hodi halo aktividade Pastoral ninian.
Relasiona ho Komemorasaun masakre setembru negro ba dala 22 Sobrevivente Fres da Costa Koalia ba Radio Cova Taroman dehan to’o ohin loron nia sei trauma ho kolker atetudi brutal nebe akontese liga ho ninia metalidade nebe asiste direita ho Amo Nain3 ho sarani Lubuk ida iha Igreja Suai Iha 6 setembro 1999.
“To’o Agora Ha’u Nafatin Senti trauma, tamba bainhira ema ruma halo problema ha’u tenki hadok a’an, husi problema ne’e, hodi hakalma ha’u nia an tamba hau senti la diak” dehan Fres da Costa iha Studio RCCT.
Nia mos Konfesa ba RCCT dehan hanesan Umanu nia la Rai Odio ba Ema sira nebe uluk halo aktu brutal hasoru sira iha Igreja Suai nebe rezulta Amo Nain 3 ho sarani Lubuk ida Obrigado tenki lakon Vida tan hakarak ukun rasik aan.
“ Ha’u sei la tau odio ba Autor ba sira iha Kazu 06 Setembru 1999 ne’e, maibe ha’u senti trauma deit ho ha’u mak nafatin tauk ou trauma deit ho sira nia hahalok sira uluk ne’e” Katak Nia.
Entretantu Lia ne’e, Sasin ba Masakre 06 Setembru Negro, Fres da Costa deklara wainhira halo Intervista Studio Radio Cova Taroman hodi konta istoria kona akontesementu 6 Setembru 1999, iha Segunda feira ohin.
Jornalista : J Ferreira
Editor : Chamot Nahac
