Covalima (RCCT) 03-08-21, Administrador Municipio Covalima Fransisco de Andrade hamotuk Diretores Linha Sektorais sira iha Covalima halo diskusaun kona ba Projetu 30 iha Municipio Covalima. Engkuantu reuniaun ne’e realiza iha salaun Administrasaun Municipio Covalima.
Iha reuniaun ne’e Administrador Municipio Covalima Fransisco de Andrade informa iha diskursu dehan, antes atu ba halo debate iha Ministerio Administrasaun Estatal pele menus liu husi aprovasaun konselu konstrutivu ida.
“Antes ami atu ba halo debate iha Ministerio Administrasaun Estatal pele menus liu husi aprovasaun konselu konstrutivu ida ne’e, tanba ne’e mak ami sei debate iha loron 06 ho 07 depois loron 13 sei submete ba iha Ministru Finansas” dehan Administrador Mucicipio Covalima Fransisco de Andrade
Administrador Fransisco de Andrade nafatin husu ba diretures Linha Sektorais sira iha Covalima, tenki pro-ativu atu nune’e bele fo hanoin ba malu.
“Iha Apresiasaun ida ne’e ita hotu pro-ativu hodi bele fo hanoin ba malu no fo hanoin signifika katak ita atu hadi’a tanba Municipio Covalima ne’e iha ita nia liman rasik, tanba ne’e, ha’u presiza ita bo’ot sira nia hanoin di’ak oinsa bele suporta ita hotu bele la’o ba oin” Katak Administrador Municipio Covalima Fransisco de Andrade
Administrador Covalima ne’e mos informa, iha Projetu 30 ne’e, la fo preoridade ba ema ida mak sai numeru um, maibe tuir utilizasaun matrix nebe fo pasu ba sira.
“Tuir lolos ita iha projetu 40 mak preoridade ba tinan 2022, maibe depois ta’es ba ta’es mai, iha deit projetu 30, tanba ne’e, iha projetu 30 la iha ema ida mak tau preoridade liu atu sai numeru um, maibe tuir utuliza matrix nebe hanesan pasu ida mai ita” Administrador Covalima Fransisco de Andrade hakotu.
Jornalista : Aje Ferreira
Editor : Chamot Nahac
