Covalima (RCCT) 24-01-22, Administrador Munisipio Covalima hamutuk ho linha Sektorais sira inklui Autoridade Postu sira lansamentu oan Fatuk dahuluk ba Konstrusaun Eis Rezidensia Administrador Munisipiu Covalima.
Administrador Munisipiu Covalima Francisco de Andrade hateten, nia parte garantia konstrusaun Eis AMC ne’e sei la’o ho kualidade ne’ebé mak di’ak.
“Ita hotu hatene katak iha tinan 2021 liu husi planu prioridade iha Munisipiu Covalima ita iha deit projetu 2, ida mak edifisiu Postu Maukatar no Eis rezidensia AMC no orsamentu mai husi Estadu, tanba ne’e hanesan Administrador iha esperansa tomak Projetu ida ne’e halo ho kualidade ne’ebé mak di’ak tanba ha’u hare Kompaña nia tekniku ne’ebé iha esperensia ne’ebé barak” dehan AMC Francisco de Andrade
Fransisco de Andrade husu ba Kompaña tenki la’o tuir kontratu nia limitasaun tempu ne’ebé iha no Kompaña la bele husu adisional bainhira Governu la iha traballa seluk.
“Tanba ne’e mak ha’u husu ba Kompaña tuir kontratu iha limitasaun tempu no Kompaña la bele husu adisional bainhira Governu la iha traballa seluk, so Governu aumenta servisu Kompaña bele husu adisional tanba ha’u hare dala barak ona Kompaña iha Covalima ne’e barak mak husu adisional depois termina projetu ne’e la tuir kontratu, nune’e mos uluk kedas ha’u informa ba Diretór Obras Publik identifika hotu atu nune’e Kompaña sira ne’e ita bele hatene ninia paraderu ne’e iha nebe” katak Francisco de Andrade
Iha fatin hanesan Diretór Kompania VERDE CAISAHE LDA Mateus do Santos hateten, Orsamenta ba konstrusaun Eis Rezidensia AMC hatumuk $ 230,000.00 no Projetu ne’e sei hala’o ho duransaun tempu durante fulan 6 iha tinan 2022 ne’e.
” Orsamentu ba ita nia konstrusaun Eis AMC ne’e hamutuk $ 230,000.00 depois tuir ami kontratu ne’e nia durasaun durante fulan 6 nia laran iha tinan 2022 ne’e depois ami intrega fila fali ba Governu Lokal, ami garantia iha fulan 6 nia laran ne’e bele finaliza maibe iha parte ida ita hare mos ba kondidisaun Alam ne’e la permite entaun tukan sira servisu la bele halo servisu ho di’ak tanba ita hare kosta Sul ne’e udan mai hela deit” dehan Diretór Kompaña VERDE CAISAHE LDA Mateus do Santos
Entretantu konstrusaun ba Eis Rezidensia Administrador Munisipiu Covalima ne’e ho nia media 3070 x 22,50.
Jornalista : Aje Ferreira
Editor : Chamot Nahac
