Covalima (RCCT) 16-11-21, Sekretario Administrador Municipio Covalima Fransisco de Jesus Alves husu Grupo 26 ne’ebé mak hetan Apoiu orsamentu $.19,250.00 dolaras Amerikano husi Sekretario Estadu Juventude no Desporto (SEJD) atu utiliza osan ne’e ho resposablidade.
Fransisco de Jesus Alves hateten, orsamentu nebe entrega ona ba Grupo ne’e uja labele sai hanesan oportunidade maibe ho responsablidade.
” Orsamentu ne’ebé entrega ona ba ita bo’ot sira ne’e uja ho didi’ak labele uja sai hanesan oportunidade maibe uja ho responsablidade atu nune’e ita bo’ot bele hetan nafatin komfiansa husi ita nia Governu Timor-Leste” Dehan Sekretario Administrador Covalima Fransisco de Jesus Alves
Nia funfamenta, uja osan produz fali osan hodi dezenvolveGrupu ne’e bo’ot liu tan.
“Osan nebe ita bo’ot sira uja, osan ne’e atu uja ba aktividade nebe atu produz fali osan atu nune’e bele aumenta tan imi nia aktividade bo’ot liu tan tanba ita hotu hatene ita nia Governu ida ne’e ita hetan orsamentu nebe mak tama ne’e husi fontes ida deit” katak Fransisco Alves
Entretantu Sekretario Administrador Covalima Fransisco de Jesus Alves informa politiku Governu nian ba Joven sira atu produz rasik osan, tanba Joventude mak kontinuador ba Nasaun iha ne’e.
Jornalista : Aje Ferreira
Editor : Chamot Nahac
