Covalima (RCCT) 15-06-21 Serka Sanitaria (SS) nebe durante ne’e governu implementa hodi suspende atividades hotu inklui mos suspende provizoriu prosesu ensinu aprendijazen ba estudante hotu iha teritoriu laran tomak fo impaktu nebe la di’ak ba Estudante sira.
Diretor Eskola Sekundaria Geral Publika Francelino Freitas Carvalho iha nia Intervista hateten SS prosesu ensinu aprendijazen la’o la diak iha eskola hotu tan governu implementa EE no SS iha Timor Laran Tomak.
”SS Ne’e Zatamente fo impaktu, tanba husi serka sanitaria ida ne’e prosesu ensinu aprendijazen lao la di’ak, serka sanitaria ne’e mai husi desizaun governu, eskola atu prevene mak estudante ho profesor tenke kumpri regras ne’ebe mak OMS fo sai mak hanesan uza maskara fase liman bebeik no halo distansiamentu fiziku”Dehan diretor eskola ESGP Francelino Freitas Carvalho
Director ne’e mos hatutan Eskola antisipa atu Covid-19 labele da’et ba profesor no estudante sira nune’e mak Eskola kria kondisaun hanesan prepara bee ba fase liman no prepara sabaun ba profesor no estudante sira nune’e bele utiliza.
”Itaa so antisipa deit para oinsa mak Covid-19 labele daet ba profesor no estudante, maka eskola kria kondisaun mak hanesan kanaliza bee ba fase liman, prepara saubaun no halo treinamentu kria sabaun been hand sanitiser no seluk-seluk tan” Tenik Diretor eskola ESGP Francelino Freitas Carvalho
Francelino Freitas esklarese liu tan moras Covid-19 ne’e labele hare ho matan no fasil atu daet bainhira halo kontaktu fiziku, tanba ne’e husu ba profesor no estudante sira atu nafatin kumpri regras hanesan uza maskara fase liman ho sabaun no halo distansiamentu fiziku
”Ha’u nia lia menon ba profesor no estudante sira tanba moras covid-19 labele hare ho matan, moras ne’e fasil atu daet bainhira halo kontaktu fiziku, ita la fase liman no la uza maskara, ne’ebe husu atu kumpri buat tolu ne’e, mai eskola husu obrigatoriu tantu profesor no estudante hotu-hotu mai husi uma tenke uza maskara, iha portaun tenke fase liman ho sabaun, no ikus liu tama sala de aula profesor ho estudante tenke halo distansiamentu fiziku minimu metro ida ka rua”dehan diretor eskola ESGP Francelino Freitas Carvalho
Entretantu prosesu ensinu aprendijazen iha Eskola Sekundaria Geral Publiku Suai oras ne’e daudaun sedauk la’o tanba governu sei nafatin implementa serka sanitaria hodi Suspende Aktividade iha Eskola.
Reportazen : Ade Gorete no Estudante ESGP
Editor : Chamot Nahac
