Covalima ( RCCT ) 24-11-21, Iha Seremonia Selebrasaun Loron Aihan Mundial ne’e Sekretariu Administrador Municipio Covalima Francisco de Jesus Alves husu ba Komunidade Agrikultur Sira atu hasa’e Produsaun ai han lokal halo iha Covalima nune’e bele responde nessesidade Merkadoria iha Covalima.
Iha Selebrasaun loron ” Ai – Han Mundial ne’e ho Tema Hari Sistema Ai Han mais rezilente atu hetan Timor Leste ne’ebé nutritivu, seguru no saudavel.
” Objetivu hasa’e Produsaun Aihan lokal iha Covalima atu bele responde ka kobre nessesidade Merkadoria, Iha Aihan lokal lubuk Ida mak iha Ita Nia nasaun laran inklui iha Municipio Covalima, ita tenke halo diversifikasaun ai han lokal no ita labele hein han deit mak fos maibe ita mos promove ai han lokal, oinsa mak ema bele tein Maek ne’ebé di’ak tanba agora maek konesidu liu ona iha Timor tanba ne’e agora ema hotu hotu kuda maek iha sira nia to’os laran, iha Japaun hahan Maek ne’e hanesan hahan ida ne’ebé mak kualidade no nutrisaun di’ak tebes ba ita ema nia saude ” informa Sekretariu AMC Francisco de Jesus Alves iha nia Itervensaun no halo abertura ba Selebrasaun Loron Ai han Mundial iha Uma Feto Covalima
Iha Sekretariu Administrador Municipio Covalima hateten kada tinan Governu Timor Leste inporta fos barak husi Nasaun Estrangeiru, Tanba Agrikultur iha Timor Leste hasa’e produsaun fos la sufisiente atu fa’an iha Merkadu.
“ Tinan-Tinan Governu Timor Leste iMporta fos barak husi Nasaun Estrangeiru, maibe husi Sosiedade Sivil no Intelektuais sira kritika Governu tan deit Importa fos husi Nasaun Estrangeiru, maibe ita mos tenke hanoin ita nia agrikultura sira iha Timor Leste la hasa’e Produsaun fos la sufisiente atu fa’an iha merkado, ” Tenik Secretario AMC Francisco de Jesus Alves.
Relasiona ho Produsaun lokak inklui Fos la sufisiente atu fa’an iha merkadoria , Sekretario Administrador Municipio Covalima Francisco de Jesus Alves nafatin Enkoraza Komunidade Agikultur sira tenke esforsu a’an badinas atu halo to’os no natar iha Covalima atu nune’e bele hasa’e produsaun aihan lokal sira barak inklui fos iha Covalima atu nune’e bele atende sosa nain sira nia nessesidade loro loron iha Merkadu
Jornalista : Saturnino Soares
Editor : Chamot Nahac
