Francisco Alves “Prezerva Kultura Hatudu Identidade Timor Nian ba Mundu”

Covalima(RCCT) 18-05-22–Komisaun Organizadora ba Komemorasaun 20 Maui ba Dala XX, iha Covalima, Realiza Kompetisaun Dansa Kultura iha Kampu Ladi hodi Festeza Komemorasaun Loron Restaurasaun Independensia Timor Leste ba Dala XX iha Covalima.

Molok halo Abertura ba Kompetisaun Dansa Kultura ne’e, Sekretariu Munisipiu Covalima ne’ebé Iha tempo ne’e Hanesan mos Prezidenti Komisaun Organizadora liu husi nia Deskursu dehan Kultura mak hanesan identidade Nasaun ninian.

“Kada Tinan ita Sempre hatudu Kultura Covalima nian, tanba Kultura ne’e mak Nasaun nia Identidade, Kultura mak Identidade Covalima nian.” Dehan Prezidenti Komisaun Organizadora , Francisco de Jesus Alves.

Nia dehan hatais Asesoria Kultura nian ne’ebé uluk Beiala sira rai hela ba jerasaun foun bele Prezerva no hametin Kultura ne’ebé iha.

“Ohin Ita bo’ot sira mai iha ne’e hatais tais ne’ebé mesak kapas, kesi Kaebauk no tara Belak, ida mak uluk ita nia avo sira rai hela mai ita, ohin jerasaun foun lubuk ida, ita nia inan sira balu mos involve iha laran hotu, atu kontinua nafatin, atu prezerva, para kultura ne’e labele lakon” Tenik Franscisco

Nia hatutan, Liu husi Prezerva Kultura bele hatudu ba Mundu katak Covalima iha nia Identidade Rasik.

“Atu nune’e ita hatudu ba Mundu katak, Timor Leste, Covalima iha nia Identidade Rasik, Identidade ida ne’ebé hanesan eransa husi ita nia avo sira, ne’ebé kada Suku lahanesan, Kada Postu mos Lahanesan no kada Munisipiu la hanesan, tanba ne’e ohin imi mai hatais ne’ebé lahanesan, ida ne’e Reprezenta imi nia Suku ne’ebé imi hela ba.” Tenik Nia

Iha Kampu Ladi Partisipante iha kompetisaun ne’e Sidonio do Nascimento husi Suku Kamenasa, Postu Administrativu Suai, Dehan lakon ka manan iha kompetisaun ne’e Normal, maibe importante partisipa iha kompetisaun ne’e atu bele prove kultura kultura ne’ebé iha ona.

Lakon ne’e normal, Maibe kalo Kultura ne’e ita hatudu mak Jerasaun foun sira sei atu haluha no bele mos lahatene konaba ita nia kultura ne’e,” Katak Sidonio ba RCCT iha Kampo Ladi depois nia ho grupu Remata halo Aprezentasaun iha Kompetisaun Kultura ne’e.

Iha Sorin seluk Xefe seksaun kultura, Antonio Sarmento iha Intrevista hatete Grupu sanulu resin rua mak partisipa iha kompetisaun ba Kultura ne’e, mak mai husi Reprezentante Suku Lima Iha Postu Administrativu Suai, Reprezentante Eskola Lima, no grupu Treinadu Lima.

“Atividade kompetisaun Kultura tebedai tradisional Munisipiu Covalima nian n’ee partisipa husi grupu sanulu resin rua, kompostu husi Suku Lima Mak hanesan Suku Debos , suku Kamenasa, Suku Suai Loro, Suku Labarai no Suku Beco no Eskola ne’ebé Tuir kompetisaun iha eskola lima Mak hanesan, Eskola Sekundaria Sekundaria Jeral Publika Suai, Eskola Tecnika Vokasional Akar Laran, Eskola Sekundaria Katolika Ave Maria Suai, Eskola Teknika Vokasional Kristal Suai no Eskola Kafé Suai no Husi grupu treinado rua Mak hanesan grupu Lenkede Ogues no Grupo Primavera Matai” Xefe Seksaun Kultura Antonio Sarmento iha Kampu Ladi ba RCCT depois remata Atividade Kompetisaun ne’e.

Antonio Sarmento akresenta grupu ne’ebé sai Manan na’in Primeiru, Segundu no Terseiru Lugar sei hetan premiu no hetan valorisaun Osan, no grupu neebe lakon sei hetan deit osan Transporte.

Manan na’in ba primeiru lugar sei hetan premiu no osan montante $175.00, Segundu Lugar hetan $150, Terseru lugar hetan $125.00 no sira ne’ebé la liu ne’e Komisaun sei valoriza sira selu Osan transporte ho montante dollar lima nulu kada Grupu” Katak Nia

Entretantu Rezultadu ba Kompetisaun ne’e Komisaun Organizadora sei anusia manan na’in sira iha loron 20 fulan Maiu 2022, iha tempu hanesan hodi atribui mos Premiu ba Manan Na’in sira hafoin remata Serimonia hasa’e Bandeira hodi Komemora loron Restaurasaun Independensia Timor Leste ba dala XX iha Covalima ne’ebé sei realiza iha Kampo Ladi.

Kobertura RCCT

Editor : Chamot Nahac