Covalima (RCCT) 21-04-22, Folin fos iha merkadu Suai Antes ne’e Negosiante sira fa’an ho foli $ 12,50 to’o $ 13,50 agora sa’e Folin fos sa’e to’o $ 14.50 kada saku, no folin mina neebe uluk $ 5,00 kada masa litru lima agora sa’e ba $ 10,00 kada masa Litru lima.
“Sasan folin sa’e ne’e durante fulan ida ona, agora ne’e sa’e makas los, Sasan folin sa’e ne’e La’os Ami Mak hakarak maibe ne’e husi Merkado Nasional kedas, agora Ami fa’an fos ne’e ho folin Dollar $13,50 to’o $14,50, Tamba Ami sosa fos ne’e iha Dili, balu ho folin Dollar $13,25 no balu mos iha folin $14,25, hanesan ho Mina Nia foli uluk mina goreng litru lima ne’e $ 5,00 deit maibe agora ami fa’an mina litru Lima, ne’e ba iha dólar $10, 00 , Tamba Ami Hola kaixa ida ho folin Dollar $38,00,” Negosiante Merkadu Suai Domingas Amaral esplika iha ninia loja iha Merkadu Suai, Kuinta (21/04).
Iha Sorin seluk Komprador Martinho Noronha do Santos tristi ho sasan folin sa’e makas ne’ebé fo impaktu pozitivu ba Komunidade nia nesesidade lor-Loron nian,
“Hanesan Komprador ha’u Senti triste Tanba ho Sasan folin ne’ebé sa’e makas tebes fo impaktu mai ami Komprador sira Liu liu iha Munisípiu Covalima Tanba Komprador barak mak Senti araska atu hola fos, mina no seluk seluk Tan” Martinho Espresa.
Tan ne’e Martinho husu ba Governu atu buka lalais solusaun ba problema folin sasan sa’e ne’ebé povu infrenta iha Merkadu.
“Ha’u hakarak husu deit ba governu oinsa atu solusiona lalais problema hirak ne’ebé mak povu Timor infrenta liu liu iha Munisipiu Covalima tanba ne’e Governu tenki buka solusaun atu nune’e povu labele Moris terus “ Nia Rekomenda.
Engkuantu to’o notisia ne’e hatun RCCT seidauk halo konfirmasaun ho Autoridade Kompotente ne’ebé halo kontrullu ba folin sasan iha Merkadu.
Reportazen : Jhana Cardoso
Editor : Chamot Nahac
