Folin sasan sa’e iha Merkadu Suai-AMC labele halo Intervensaun

Covalima (RCCT) 22-04-21, Administrador Munisipiu Covalima(AMC) Francisco de Andrade hateten nudar Administrado Munispiu labele halo intervensaun ba folin sasan folin sa’e iha merkadu.

Administrador Munisipiu Covalima ne’e mos dehan folin sasan sa’e iha merkadu ne’e Impaktu Mundial relasiona ho Funu Entre Rusia ho Ukraina.

“Merkadu hahu sasan folin sae, tanba afeita husi funu entre Rusia ho Ukrania, ne’ebé Sasan folin sa’e la’os deit iha Covalima, maibe iha Timor tomak, ne’ebé sasan folin sa’e ne’e hahu husi fulan Janeiru mai to’o agora,” Informa Administrador Munisipiu Covalima Francisco de Andrade ba Jornalista sira iha nia Gabinete, Sexta Feira (22/04).

Andrade dehan labele halo intervensaun ba folin sasan ne’ebé sa’e iha merkadu tanba Negosiante sira ba sosa iha Dili infrenta ona folin sasan ne’ebé la normal hanesan babain (sasan folin sa’e kedas hahu husi Dili)

“Ne’ebe ida ne’e ha’u labele halo intervensaun,Tanba Sosa iha Dili Folin hanesan 13 dolar mai iha Suai tenke hasa’e folin sa’e,Tanba ema bisnis, ne’ebé ne’e ha’u labele halo intervensaun Tanba ne’e funu mundial, se iha merkadu Nasional Folin standar mai iha Suai mak hasa’e folin tuir sira nia hakarak ne’e ha’u bele halo intervensaun, maibe ida ne’e la’e, ne’e funu mundial,” Tenik Administrador Munisipiu Covalima.

Reportazen : Jhana Cardoso

Editor           : Chamot Nahac