Covalima ( RCCT ) 14-12-21, Ministerio Agrikultur no Peskas ( MAP ) liu husi Servisu Floreta Kafe no Plantas Industria Planea konserva area floresta liu husi atividade ofrese Ai Oan ba To’os na’in sira hodi kuda ai horis iha sira nia rai rasik.
Ba jornalista Xefe departamentu territorial Floresta Café no Plantas Industriais Municipio Covalima Francisco Sarmento hateten biberu ai oan ne’ebé prepara ona iha Postu Suai hamutuk 13.000.
“ Bibeiru Komunitario ba Postu Administrativu Suai ne’e, ami produs rihun Sanulu Resin tolu ( 13.000 ), Objetivu mak atu oferese ka fahe ba ita nia komunidade agrikultur sira hodi sira utilija ka kuda iha sira nia to’os rasik, Politika Ministerio Agrikultur sira nian ai oan ne’e atu kuda iha rai ne’ebé mak ho estatus Governu ninian maibe, rai refere kuda hotu ai oan ona entaun ita nia palnu fahe deit ba komunidade sira atu sira kuda iha sira nia to’os hodi seguransa ba sira nia plantasaun hirak refere ” Informa Xefe Departamentu Territorial Floresta Café no Plantas Industriais Municipio Covalima Francisco Sarmento.
Iha Lansamentu ne’e Administrador Municipio Covalima Francisco de Andrade, husu ba Servisu floresta atu kontinua ho programa hakiak Bibeiru ai oan hodi fahe ba komunidade sira iha Covalima atu nune’e Covalima bele matak no buras nafatin iha iha futuru.
“ Ohin ita Lansamentu distribuisaun Ai Oan ba komunidade sira ne’e, ha’u sei husu nafatin ba Xefe Floresta Café no Plantas Industriais Municipio Covalima atu halo relatorio ba Municipio atu halo relatorio ruma ba ai oan hirak ne’e mate hira no moris hira, Tanba ita nia Prezidente RDTL rasik hateten sidadaun ida tenke kuda ai hun ida, ho objetivu atu haburas ita nia rai liu husi ai oan hira ne’ebé mak ita kuda ho ida ne’e, ha’u husu ba komunidade sira ne’ebé mak simu ai oan hirak ne’e, ita bo’ot sira kuda hodi hare didi’ak ai oan hirak ne’e tanba antes ne’e mos Governu lakon osan barak ba Floresta sira hodi hakiak ai oan hirak ne’e, dala ida tan ha’u husu ba komunidade sira atu fo siguransa didi’ak ai oan hirak ne’e bele moris ho diak.” Dehan AMC Francisco de Andrade.
Iha fatin hanesan reprezentante Komunidade Agrikultur ne’ebé simu ai oan, David Amaral husi Aldeia Lo’o Suco Suai Loro, Kontente ho simu ai oan ne’e, Nia promote antes atu kuda nia ai oan ne’e nia sei halo lutu hodi proteze animal labele estraga.
“ Bain hira ami atu kuda ai oan iha ami nia natar fatin no to’os fatin ami sei halo lutu hale’u nak ami bele kuda ai oan hirak ne’e, se ami la halo lutu entaun animal sira hanesan karau no bibi sira bele estraga hotu no mos ema seluk bele ta’a estraga ai oan hirak ne’ebe ma kami kuda tamba ita nain la halo lutu baa i oan hirak ne’e ” Dehan Reprezentante Komunidade Agrikultur David Amaral
Enkuantu Tuir dadus ai oan ne’ebé Servisu Floreta Kafe no Plantas Industria ne’ebé sei fo ba Postu Administrativu 7 ho kuantidade ne’ebé lahanesan; PA Suai hetan ai oan 13.000, PA Fatumea 10.000, PA Fohorem 20.000, PA Maukatar 10.000, Fatululik 10.000 no PA Zumalai hetan ai oan 20.000.
Entretantu Xefe Departamentu Floresta Municipio Covalima Francisco Sarmento husu ba komunidade sira ne’ebé hakarak atu kuda ai oan hanesan Ai Mahoni, Ai Kakeu, Ai Samatuku, Ai Sarian,no Sabraka bele halo karta ba iha Tekniku Floresta sira ne’ebé mak destak ona iha Postu nune’e Servisu Floresta bele halo distribuisaun ai oan ba komunidade ne’ebé mak presiza atu hakiak.
Jornalista : Saturnino Soares & Adelina Borges
Editor : Chamot Nahac
