Covalima ( RCCT ) 08-10-21, Servisu Florestais Kafe no Plantas Industriais iha Munisipio Covalima infrenta Difikuldade Transporte atu halo kontrulu servisu iha Suco no iha areas remotas.
Tuir Xefe delegasaun Territorial Floresta Kafe no Plantas Industriais Munisispio Covalima Francisco Sarmento hateten Durante ne’e sira nia parte hasoru dikuldadeTransporte no menus rekursu atu halo kontrolu iha areas remotas sira.
“ Difikuldade nebe ami hasoru primeiru Transporte limitadu tebes liu liu ba servisu korpu Guarda floresta presiza transporte hodi halo Patrolamentu iha area florestais sira, tamba Posto sira hanesan Fatumea , Fohorem, Fatululik ,inklui Posto Maucatar, area hirak ne’e hanesan do’ok tebes atu halo patrolamentu iha Postu hirak ne’e, no difikuldade seluk mak hanesan menus rekursu humanu atu halo servisu iha area floresta ” Dehan Xefe delegasaun Territorial Floresta Kafe no Plantas Industriais Francisco Sarmento.
Relasiona ho menus Rekursu ba membru Guarda Floresta ne’e, Ministerio Agrikultur liu husi Diresaun Floresta Kafe no Plantas Industria Aumenta membru Floresta na’in rua, na’in ida koloka ba iha Postu Fatumea no ida seluk koloka ba Fatululik.
“ kona ba Menus Membru Guarda Floresta neste momentu ami reforsa ona menbru na’in ida – ida ba Postu Fronteira hanesan Posto Fatumea no Fatululik, hodi reforsa servisu ho membro ka Guarda Floresta nebe mak destakadu iha Postu rua refere, durante ne’e membro floresta sira iha Covalima koloka ba kada posto na’in rua maibe, ema na’in rua deit difisil atu halo kontrolu tamba postu balu mak area nebe luan difisil halo kontro maximu ba servisu floresta nian ” Tenik Xefe delegasaun Territorial Floresta Kafe no Plantas Industriais Francisco Sarmento.
Entretantu Relasiona ho Difikuldade hirak ne’e Xefe Delegasaun Territorial Floresta Kafe no Plantas Industriais Munisispio Covalima Francisco Sarmento husu ba Ministerio atu toma atensaun ba problemas hirak ne’e.
Jornalista : Saturnino Soares
Editor : Chamot Nahac
