Covalima (RCCT) 27-08-21, Populasaun 31.722 iha Covalima mak simu ona Vasina Covid-19, husi numeru ne’e komunidade nebe mak simu ona Vasina Covid-19 Doze dahuluk hamotuk ema na’in 25.934 no Doze daruak ema na’in 5.788.
Diretur Servisu Saude Munisipiu Covalima Esplika ba jornalista sira iha nia Knar fatin Sexta Feira (27-08), Filipe Pereira Lemos dehan populasaun nebe simu ona Vasinasaun Covid-19 ba Primeira Doze hamutuk ema na’in 25.934 husi Numeru ne’e Maioria mak simu Vasina AstraZeneka ho total ema na’in 25.434 no Sinovac hamotuk ema na’in 500. Nia mos dehan Polulasaun nebe simu Vasina Covid-19 Dose Daruak hamotuk ema na’in 5.788, nebe kompostu husi Populasaun nebe Simu Vasina AstraZeneka Ema na’in 5.288 no Sinovac ema na’in 500.
“ Númeru nebe maka agora ita asessu ona ne’e total númeru kobertura ba primeira doze iha 25.934, husi total ne’e 500 mai husi Sinovac, restante AstraZeneka, depois ba iha Segundu Doze nian hamutuk 5.788, ida ne’e kompostu husi AstraZeneka 5.288 no ba iha sinovac nian hamutuk 500” Filipe Pereira Lemos esplika.
Diretor Servisu Saúde Covalima mos dehan, dadaun ne’e kazu konfirmadu Positivu ba Covid-19 iha Munisipiu Covalima hamutuk 268, no husi total Konfirmadu Positivu ne’e, Ekípa Servisu Saude Covalima Koloka ba iha fatin izolamentu hamutuk 4 nebe existe iha Covalima.
“ Ita Covalima kazu postivu ne’e hamutuk 268, sira ne’e ita tau iha fatin izolamentu hamutuk 4, ne’e maka ida iha Bairo Costa, Hotel Elivan, Asrama Madre Salele no ESTV Klaret Salele ” Filipe informa.
Nune’e tuir Observsaun Jornalista iha terrenu hatudu, dadaun ne’e Ekípa Saúde sira iha Covalima kontinua fo vasinasaun AstraZeneka no Sinovac, ba komunidade sira iha Munisipiu Covalima hodi kontinua prevene Virus Covid-19 nebe halakon ona ema barak nia vida iha Mundu, inkui moras foun “ Variante Delta ”.
Jornalísta : Tynho Gusmão
Editor : Chamot Nahac
