Covalima (RCCT) 28-09-21, Equipa Voluntariu Força Humanista Covalima (FHC) Liu husi Programa Trip And Adventure Organiza Foinsa’e no Juventude sira Sexta Feira (24/09) Foin Lalais ne’e halo long mars husi Postu Administrativu Suai to’o foho Lak-Hirin iha postu administrativu Maukatar Munisipiu Covalima.
Tuir Presidente Força Humanista Covalima (FHC) Gabriel Fransisco de Araujo Ukat informa, Objetivu husi Programa Trip And Adventure ne’e atu promove Fatin sagradu, Kapasita Foinsa’e no Juventude sira Nia kriativu Liu husi Kriatividade.
“Objetivu husi Programa Trip And Adventure ita atu promove Fatin Sagradu, kapasita Foinsa’e no Juventude sira Nia kriativu Liu husi Kriatividade oinsa sira Bele kompete sira Nia kriativu Liu husi aktividade Long Mars, kompete kriatividades, Reflexasaun, Icar da Bandeira Nasional no Evaluasaun.” Hatete Gabriel.
Nia argumenta, programa Trip And Adventure sei kontinua la’o nune’e nia husu ba Juventude no foinsa’e sira atu kontinua la’o ba fatin turismu sira nebe mak lokaliza iha munisipiu Covalima.
“Ba iha programa Trip And Adventure nee ami sei hare ba tempu, se ami iha biban ami sei kontinua, nebe ba juventude no foinsa’e sira ita sei kontinua la’o ba fatin turismu sira nebe mak investe iha munisipiu Covalima” hakotu Fransisco.
Tuir informasaun Jornalista Radio Comunidade Cova Taroman (RCCT) Asesu, relasiona ho relatoriu ba programa Trip And Adventure nebe organiza husi Força Humanista Covalima (FHC) ho total Orsamentu ($.100.00) Dolar Atus ida Hodi Utiliza ba programa programa Trip And Adventure Durante Loron Tolu Iha Foho Lakirin iha Postu maukatar Munisipiu Covalima.
Jornalista : Julião Correia
Editor : Chamot Nahac
