Covalima (RCCT) 01-09-2, Federasaun Xadres Timor-Leste halo Lansamentu ba Assosiasaun Xadres Municipio Covalima inklu Toma Posse ba estrutura Assosiasaun Xadres iha Municipio Covalima, iha Salaun Administrasaun Postu Administrativu Suai.
Relasiona ho ida ne’e, Prezidenti Xadres Timor-Leste Zeferino Viegas Tilman iha intervista hateten, antes atu halo lansamentu, iha loron hirak liu ba sira nia parte fo ona formasaun baziku ba Jogador Xadres sira iha Municipio Covalima, nia hatutan tanba durante ne’e Jogador Xadres sira seidauk komprende kona ba regras no Lei Xadres nian.
“Molok atu halo lansamentu, iha loron hirak liu ba ami fo ona formasaun baziku ba ita Jogador Xadres sira iha Municipio Covalima tamba durante ita nia Jogador Xadres sira iha Covalima seidauk komprende lolos regras no Lei Xadres ninian” Dehan Prezidenti Xadres Timor-Leste
Prezidenti Xadres Timor-Leste hatutan, anstes atu kompete iha nivel Nasional, Jogador Xadres sira iha Covalima, Assosiasaun sei identifika no halo selesaun uluk iha nivel Municipio.
“Assosiasaun Xadres iha Municipio Covalima (AXAMCO) resposavel ba krisaun formasaun no deskobrementu iha nivel Municipio, entaun Jogador sira iha Municipio Covalima Assosiasaun sei identifika no halo selesaun iha nivel Municipio, depois Assosiasaun bele lori Jogador Xadres sira bele lori sira ba kompete iha Nasional, no mos karik Jogador sira pasa iha Nivel Nasional entaun bele kompete fali iha Nivel Internasional” Hatutan Prezidenti Xadres Timor-Leste.
Ho nune’e partisipa iha Lansamentu ne’e, Sekretario Administrasaun Municipio Covalima, Prezidenti Taek Wondo, Prezidenti Fotbool, Administrador Postu Suai, no Prezidenti CNJT.
Jornalista : Aje Ferreira
Editor : Chamot Nahac
