FC Baroka sai Vensedor ba Evento Joga Femenina iha Suai Loro

Covalima (RCCT ) 6-01-21, Autoridade Suco no Juventude sira iha Suco Suai Loro Organiza Aktividade Desportu Jogu Feminina hodi selebra Natal Cup halo ona inseramentu.

Relasiona ho aktividade desportu ne’e, Secretario komisaun organizadora hateten iha eventu ne’e iha modalidade tolu nebe kompostu husi jogu foot ball Feminina, Bidu ho tebe kultura.

Hakarak esklarese ba ita hotu katak iha turnei ida ne’e iha modalidade tolu mak hanesan Foot Ball, kultura ho dada tali no hakarak mos fo hatene ba ita hotu katak iha Foot Ball Permeiru lugar Sei hetan Preimu mak hanesan Tasa Rotativa Ka piala Bergilir Ho piala tetap ho osan dolares atus ida($100,00) no segundu lugar sei hetan piala tetap ho osan dolares hitu nulu resin lima no terseiru lugar sei hetan piala ho osan dolares lima nulu no kuatru lolos ne la iha preimu maibe ita hetan apoiu husi Asosiasaun Foot Ball Munisipio Covalima Apoiu Bola Ida.no ba iha kultura bidu ho tebe permeru lugar sei hetan osan dolares lima nulu no segundu sei hetan osan dolares tolu nulu no terceiru sei hetan osan dolares rua nulu resin lima” Antonio Tomson Nunes Amaral Informa.

Iha Eventu ne’e Clubu Baroka mak sai vensedore ba iha eventu desportu Femenina ne’e. Tanba ne’e Treinador ba Clubu Baroka Espresa parabens ba Jogadores sira hotu nebe mak ho esforsu tomak bele alkansa vitoria ne’e.

Ha’u nudar trenador hosi Clubu Baroka fo parabens ba iha jogador sira nebe maka hetan permeiru lugar iha eventu ida ne’e no apresia mos ba iha Clubu sira seluk nebe maka ho esforsu tomak hodi involve iha eventu ida ne’e to remate” Katak Agustino da Silva

Nune’e mos iha eventu ne’e sai hanesan permeiru lugar husi Clubu Baroka, segundu lugar husi Clubu Rabenta Terseiru Lugar FC Jumani, no iha serimonia ensamentu ne’e hetan partisipasaun husi komandante polisia Municipio Covalima No komunidade Hotu iha Suco suai loro.

Jornalista : Lito de Jesus

Editor      : Chamot Nahac