Covalima (RCCT) 07-01-21 Relasiona ho ezekusaun Estado Emergensia (EE) ba dala IX, ne’ebe renova husi dekreto Presidente da Repubika nian, No.73/2020 Loron 30 Fulan Dezembro hodi hatan ba pandemia Covid 19.
Maka Kinta Feira ne’e Administrador Posto Administrativo Tilomar Jose Fatima Xavier hateten, nia observa Fasilidades prevensaun nian ne’ebe parseiru desenvolvimento fahe ba Komunidade sira iha tinan kotuk, ba dadaun ne’e komunidade barak maka la utilize ho lolos.
“ Agora dadaun ne’e ita komunidade sira ne’e fiar liu ba kultura, distribuisaun sasan fasilidades ne’ebe maka uluk parseiru desenvolvimento sira fahe balu sei manteim tau iha uma oin, maibe ita hare iha fatin balun mos kuaze la importansia ba buat hirak ne’e ” Jose dehan.
Administrador Posto Tilomar ne’e hatutan, hanesan Autoridade maximu iha Posto ne’e, sei fo informasaun ba komundade sira konaba oinsa sir abele halo prevensaun.
“ Maibe ami hanesan Autoridade maximu iha Postu ida ne’e ami sempre fahe bebeik informasaun ba ita nia komunidade sira katak moras ida ne’e perigu, diak liu maka ne’e tau mascara, fase liman bebeik, nafatin halo distancia social, regras ne’ebe maka iha diak liu maka ita tenke kumpri ” Jose esplika liu tan.
Entertanto informasaun nebe maka jornalista RCCT asesssu iha terrenu katak, iha kuarta feira horiseik iha aldeia Salele bot komunidade sira halo serimonia prenda maibe Adminisrador Postu Tilomar hamutuk Seguransa PNTL hapara kedas Serimonia tamba kontra ona regras Estado Emergensia.
Jornalísta : Tynho Gusmão & Lito de Jesus
Editór : Chamot Nahac
