FAO ho MAP halo treinamentu ba Extensionista husi Municipio 4 durante loron 3

Covalima (RCCT) 28-07-21, Food and Agriculture Organisation Of the United Nation (FAO) hamotuk ho Ministerio Agrikultura e Peskas (MAP) hala’o treinamentu ba Extensionista sira husi Municipio 4 ( Covalima, Likisa, Bobonaro no Dili) nebe realiza iha Municipio Covalima iha Salaun Centro Juventude Covalima (CJC) durante loron tolu atu hodi habelar informasaun kona ba konservasaun Agrikultura.

Diretur Geral Koperasaun e Dezemvolvimentu Intituisinal Cejar Jose da Cruz iha intervista hateten, Objektivu ba treinamentu ne’e fo liu-liu ba Extensionista sira atu uza aprosimasaun teknologia la bele sunu rai no fila rai.

“Objektivu ba tereinamentu ida ne’e liu-liu ba Extensionista sira atu uza aprosimasaun teknologia ita la bele sunu rai no fila rai nia vantagen mak ita kuda lehe, depois lehe sai fali Organiku” Katak Diretur Jeral Cejar da Cruz.

Diretur Geral Koperasaun e Dezemvolvimentu Instituisional hatutan, treinamentu Durante loron tolu ne’e, sei ko’alia kl’ean liu tan ba Extensionista sira atu bele uza prosimasaun ne’e ba Agrikultura sira.

“Treinamentu durante loron tolu ne’e sei ko’alia k’lean liu tan ba Extensionista sira atu bele uza prosimasaun ne’e ba ita nia Agrikultura sira atu nu’une nia objektivu nebe nudar baze fundamental ne’e, ita nia Agrikultura sira ema la barak oinsa bele kuda hektares ida, bele lere, bele fila ne’e sai mos hanesan preokupasaun ita nia (MAP) iha” Tenik Cejar

Tanba ne’e, Diretur Geral Koperasaun e Dezemvolvimentu Instituisional Cejar Jose da Cruz informa, preokupasaun hirak ne’e, (MAP) servisu hamutuk ho parseiru Jovementu no Duador balu oisa sira bele buka atu poio Agrikultura.

Engkuantu Treinamentu ne’e Realiza tanba FAO halo Parseiro ho MAP no Aktividade Treinamentu ba Extensionista husi Municipio 4 (Covalima, Likisa, Bobonaro no Dili) ne’e Realiza iha Salaun Centro Juventude Covalima (CJC) iha Suai-Covalima.

Jornalista : Aje Ferreira
Editor       : Chamot Nahac