Covalima (RCCT) 21-01-21, EDTL Municipio Covalima durante ne’e husik komunidade sira uja eletrisidade ilegal, ou la uza pulsa electrisidade, tanba failansu ho koneksaun rede internet nebe hamosu erru ba code prepagu.
Ba Radio Xefe Edtl Municipio Covalima Antoni Mali iha nia intervista informa, equipa teknika EDTL idetifika hetan komunidade barak mak la uja pulsa ka uja eletridade Ilegal maibe EDTL labele foti asaun tanba failansu sistema liliu kona ba koneksaun internet.
“Ita bele halo buat ruma kuandu Ita nia tenki sira idetifika hetan ona iha komunidade barak mak Utiliza Linha Eletrisidade Ilegalmente, tanba ita falhansu ho rede internet” Dehan Antonio Mali ba RCCT
Xefe EDTL ne mos rekonhese falansu ida ne’e la’os komunidade rasik mak hakarak maibe, ida ne’e husi parte EDTL mak seidauk kontrola didiak ba failansu teniKu nebe agora dadaun EDTL hasoru, maibe antonio mali dehan tempo badak EDTL Municipio sei rezolve failansu hirak ne’e.
“Ita Rekonhese failhansu ne’e mai husi EDTL, Las komunidade kosumedores sira mak hakrak, tan ne’e ita tempo badak ita sei resolve failhasu nebe EDTL infrenta dadaun ne’e” Katak Nia
Xefe EDTL Covalima afirma durante ne’e EDTL Covalima esforsu hela atu rezolve failansu hirak ne’e, liu husi hato’o ona carta ona ba nivel nasional, maibe to’o agora seidauk responde.
Jornalista : Janu Barros
Editor : Chamot Nahac
