Covalima (RCCT) 17-12-21, Estudante Estajiadu Universidade Nasional Timor Lorosa’e hamutuk na’in 10, kompostu husi Feto 6 no Mane 4, ne’ebé hala’o Estajiu iha Eskola Sekundária Geral Públika (ESGP) Suai durante fulan hat, hahu iha Fulan Setembru to’o fulan Dezembru tinan ne’e ohin dia (17/12) retira ona sira nia aktividade Estajiu.
Reprezenta Diretór Eskola, Xefi Gavineti iha ESGP Suai, Calistro Leite Gusmão hateten, Eskola Sekundaria Geral Publika (ESGP) Suai, agradese ba Eskola Universidade Nasional Timor Lorosa’e ne’ebé koloka Estudante na’in 10 mai iha Covalima.
Notisia Relevante :https://www.rcct.tl/estagiadu-nain-10-husi-untl-halao-estagiu-durante-fulan-4-iha-esgp-suai/
“Primeiru ha’u lori ESGP nia naran hato’o agradese ba Eskola Univesidade Nasional Timor Lorosa’e ne’ebé koloka Estudante Estudante hamutuk na’in 30 resin mai iha Municipio Covalima, no mai iha Eskola Sekundaria Geral Publika Suai ne’e na’in 10, no mos agradese ba Estudante Estajiadu na’in 10 ne’ebé mak durante ne’e ajuda ona professor sira iha Eskola ida ne’e ho tempu ne’ebé mak naruk tebes” dehan Saseluk Diretór ESGP Suai, Calistro Leite Gusmão
Calistro Leite fundamenta odamatan Eskola Sekundaria Geral Publika (ESGP) Suai nakloke ba Eskola Univesidade hotu iha Teritorio Timor-Leste ne’ebé hakarak koloka Estudante hodi halo Estajiu iha Eskola refere.
“Odamatan Eskola Sekundaria Geral Publika (ESGP) Suai nakloke ba Eskola Universidade sira hotu iha teritorio Timor-Leste ne’ebé mak hakarak kolaka Estudante sira mai halo Estajiu iha Eskola ne’e no mos Estudante sira nebeatu mai peskiza ami nafatin simu” tenik Calistru Leite Gusmao
Professora Koperante Maria Imaculada hateten, tuir observasaun Estudante Estajiadu sira ne’ebé hatur sira nia reposavelidade durante hala’o Estajiu iha ESGP Suai.
“Tuir ami nia observasaun ba Estudante Estajiadu UNTL durante nebe mak sira Estajiu iha Eskola ida ne’e diak ka la diak ita hotu nian, maibe bazeia mos ba Koperante ida-idak nia hare, ami agradese tebes ba ita bot sira tempu barak nia laran ita bot sira ajuda ona ami, no diskulpa ba imi hotu karik ami nia hahalok dala ruma la monu ba ita bot sira nia naran karik ” katak Maria
Enkuantu Reprezentante Estudante Estajiadu UNTL Agapito Gouveia Leite, orgulho tanba durante sira hala’o Estajiadu hetan atendementu neebe dignu husi manorin na’in sira, no nia dehan nunka faila iha Materia.
” Ami senti orgulhu tebes tanba Durante ami hala’o Estajiu iha Eskola ida ne’e nunka faila ba materia no iha Eskola refere Professor sira atende ami di’ak tebes, depois difilkuldade ne’ebé mak ami hasoru ne’e ba Ekonomia deit tanba ami Estudante sira ne’e balu mai husi Munisipiu seluk” dehan Estudante Estajiadu UNTL Agapito Gouveia Leite
Entretantu Estudante Estajiadu husi Universidade Nasional Timor Lorosa’e (UNTL) na’in 10 ne’e Hala’o Estajiu iha ESGP Suai Durante fulan 4, hahu iha fulan Setembru to’o Dezembru 2021.
Jornalista : Aje Ferreira / Sofia Araujo
Editor : Chamot Nahac
