Covalima (RCCT) 14-06-21, Relasiona ho Covid-19 nebe sai Problema Mundial nebe afeita mos Timor-Leste, nune’e Governu Timor Leste Implementa Serka Sanitaria No Konfinamentu Obrigatoriu no Ministeriu Edukasaun Suspende Provizoriu Prosesu Aprendijazen ba Estudante Sira iha teritoria tomak.
Norberta Maria da Costa Hanesan Estudante UNTL Fakuldade Edukasaun Departamentu Formasaun Profisional Ensinu Baziku Iha Nia Intervista ho Jornalista Estudantil ESGP-Suai Hateten, Nia Senti Triste ho Implementasaun Serka Sanitaria no Konfinamentu Obrigatorio ne’e tanba konsidera Impede Prosesu Aprendijazen Iha Nivel Universitariu.
’’Ha’u Senti Triste tanba durante ne’e Ita Lakon Materia Barak Depois Ita Eskola Online Ita Falta Ekonomia Tanba Inan Aman Araska Ita La Hatene Buat Ida Tanba Ita Hakmatek Iha Uma deit, No Ami Eskola Iha Universidade Mos Senti Lakon Bo’ot Tanba Materia Nebe Ami Atu Hanorin ami ka Aplika Fali ba Estudante Sira Ne’e Ami Ladun Komprende ho di’ak.’’ Dhan Norberta Maria Da Costa
Norberta Hatutan Eskola Iha Uma ka Eskola Online Ladun Fo Benefisiu ba Nia Tanba Nia Ladun Akapta Materia ho Di’ak tanba Menus Esplikasaun Husi Profesor no Laiha Pratika.
”Eskola Online 70% La Diak No 30% ne’e Di’ak, La Di’ak Tanba Ami Menus hetan Esplikasaun Husi Profesor Sira, Ami La Pratika Ami Hein Rona Deit, Ami Estuda Deit Maibe Ami La Hatene Nia Resposta Los Ka Lae Maibe Ami Nafatin Esforsu Hodi Buka Hatene Diak Liu Tan” Tenik Norberta Maria Da Costa
Norberta mos dehan Durante Eskola Iha Uma Ka Eskola Online Hetan Dezafius Barak Mak Hanesan Fatin La Seguru Ba Sira Atu Simu Aula Online ho Di’ak tanba Komunidade Barak mak Halo Barulhu.
”Durante Estuda Iha Uma Ami Hetan Dezafiu Barak, Ita Estuda Barulhu Husi Motorista No Labarik Sira Barulhu No Halo Ita La iha Konsentrasaun Atu Estuda Ho Diak Tanba Estudante Barak Mak La Eskola Hodi Halibur Konta Historia Deit” Haktenik Norberta Maria Da Costa
Meske nune’e Estudante Universitaria Noroberta Maria da Costa Mos Fo Lia Menon ba nia Maluk Estudfante Sira hotu Atu Nafatin Badinas Estuda Labele Lakon Vontade Atu Aprende Hodi Bele Duni Futuru Tanba Futuru Importante ne’e tebes.
Kontributor : Jornalista Estudantil ESGP Suai (Jojo Lopes)
Editor : Ade Gorete
