Estudante Finalista Iha ESGP Suai 100% Pasa Ezame Nasional

Letratu: Estudante Finalista ESGP Suai halo Prosesu Izame Nasional Loron Dahuluk (13/12); Foto: Kontribuisaun ESGP Suai, Diretor Eskola Franselino Freitas.

Covalima (RCCT) 22-01-22 Estudante Finalista Ano Askolar ba tinan 2021, iha Eskola Sekundaria Geral Públika (ESGP) Suai simu rejultadu Pozitivu tanba maioria passa iha Ezame Nasionál.

Diretór Eskola Sekundaria Geral Públika Suai Francelino Freitas Carvalho esplika Estudante Finalista iha Eskola Sekundaria Geral Públika (ESGP) Suai hamutuk 696 kompostu husi Siénsia Teknolójia 333, Siénsia Sosiais Humanidades 363. Husi dadus estudante na’in 696 ne’e iha Estudante Nain 5 maka Auzente ka la partsipa ezame seim fo informasaun ba eskola no na’in ida selu termina ona jornada moris iha mundu (mate), tanba ne’e estudante nebe tuir Ezame no Pasa hamotuk 690.

Notisia Relevante:https://www.rcct.tl/estudante-finalista-690-iha-esgp-suai-tuir-ezame-nasional/

“Rejultadu ita bele dehan Pozitivu tanba husi Estudante Finalista ano eskolar 2021 ne’e, ho total 696, kompostu husi CT 333, no CSH 363, no seluk ne’e la partisipa iha Ezame Nasionál depois ida maka mate, ne’ebe siknifika katak total husi Estudante hirak sen pursentu passa iha Ezame Nasionál” Diretór Francelino dehan iha nia kna’ar Fatin hafoin distribui rejultadu Ezame Nasionál ba Inan Aman Estudante sira (22/01).

Diretór ESGP ne’e sente orgullu ho rejultadu Ezame Nasionál tanba Estudante Finalista sira luta duránte tinan tolu no simu rejultadu ho pozitivu.

Enkuantu Diretór ne’e seidauk bele fo sai data inskrisaun ba Estudante Foun iha Eskola Sekundaria Geral Públika Suai tanba sei hein orientasaun husi Edukasaun Munisipiu Covalima.

Entretantu relasiona ho anúnsiu rejultadu Ezame Nasional ba Estudante Finalista Ano Eskolar 2021, Jornalista seidauk halo konfirmasaun konaba dadus Estudante Finalista husi Ensinu Sekundariu no Tékniku inklui Ensinu Baziku iha teritoriu Covalima, tanba Diretór Edukasaun seidauk iha servisu Fatin tanba kestaun ho loron Sabadu (Ferias).

Jornalista : Tynho Gusmão

Editór      : Chamot Nahac