Covalima (RCCT) 13-12-21, Tuir Dadus Estudante Finalista hamotuk na’in 696 iha Eskola Sekundaria Jeral Publiku (ESGP) Suai Mak atu Tuir Ezame Nasional, Maibe Iha Estudante Auzente na’in 5 husi Total Estudante 696 ne’ebé la partisipa ezame Nasional Seim fo Informasaun ba eskola no ida seluk fila ona ba maromak nia kadunan Santo “Mate”.
Ba Jornalista RCCT Diretór ESGP Suai Franselino Freitas Informa Estudante Na’in ida Biban tuir Ezame Nasional tanba fila hikas ona ba maromak nia kadunan (mate) no Estudante Auzente na’in 5 ne’e husi Klase Ciensia Teknolojia (CT) no Ciensia Sosiais Humanidade (CSH) la partisipa ezame seim informasaun.
“Estudante Auzentes nain 5 ne’e husi CT na’in no CSH na’in 3, Sira Na’in 5 ne’e la tuir izame seim iha informasuan mai eskola no na’in ida seluk mak mate ona” dehan Diretor Franselino
Nune’e mos Diretór Eskola ne’e mos afirma, ESGP Suai Utiliza Sala hamotuk 35 hodi fasilita estudante finalista sira ba ezame Nasional no kada Aula ida Akumula estudante nain 20 no Professor Vizilansia na’in 2.
“Sala de Aula ne’ebé ami uja hodi fo ezame ba estudante sira ne’e hamotuk 35, ne’ebé Estudante CT uja Sala 17 no CSH uja Sala 18, kada aula ema na’in 20” Katak Franselino
Nia Fundamenta husi estudante 696 ne’e kompostu husi Ciensia Teknolijia 333, no Ciensia Sosiais Humanidade hamotuk estudante 363.
“Alunus CT Mane 233, Feto 100, husi CSH Mane hamotuk 187 no ema na’in feto 176, ne’ebé Sei tuir Ezame Nasional durante loron tolu no sei kontinua ba ezame lokal, ami mos aloka profesor vizilansia hamotuk ema na’in 60 kada turma ema na’in 2” Diretór Franselino Hakotuk.
Reportazen: Chamot Nahac
