Covalima (RCCT)20-12-21. Iha Serimonia despedida ba Estudante Estajiadu Universidade Nasional Timor Lorosa’e (UNTL) iha Eskola Sekundaria Geral Publiku (ESGP) Suai, nebe realiza segunda Feira ne’e iha salaun ESGP Suai, Estudante Estajiadu sira agradese ba ESGP Suai ne’ebé fo ona biban sira na’in 10 hodi hala’o Estajiu iha ESGP Suai durante Fulan 4 Nia laran. Hahu Setembru to’o Dezembru 2021.
Representante Etudante Estajiadu Agapitu Goveia Leite iha nia deskursu, agradese ba ESGP Suai ne’ebé fo ona biban ba sira na’in 10 hodi realiza pratika pegadoziadois maski mai ho situasaun Serka Sanitaria (KO) tanba Covid-19, maibe Diretór ESGP Suai ho fuan bo’ot bele Sira.
“Ami so agradese ba ESGP de Suai ne’ebé fo ona biban Ba Ami na’in 10 ne’ebé realiza Ami Nia pratika pegadoziadois iha ESGP maski Ami mai ho situasaun Serka Sanitaria (KO) ne’ebé ladun fo Ita fatin, maibe Diretór Eskola Sempre fo fuan boo’t Mai Ami i Diretór dehan hanesan ne’e “Konaba Estajiadu sira odamatan ESGP Sempre nakloke” Ida ne’e hanesan Fo orgullu bo’ot ida Ba ami na’in 10″ Katak Agapito
Enkuantu iha diskursus ne’e Agapitu Goveia Leite afirma tan hodi fo obrigadu ba Professor sira hotu liliu ba professor Koperante sira ne’ebé akompanha no observa hodi Motiva sira durante tempo Estajiu.
“Iha ami mos lahaluha, fo obrigadu ba professor sira hotu liliu ba Professor Koperante Sira ne’ebé durante ne’e akompaña ami, observa Ami iha Motivasaun ruma ne’ebe hato’o ona Mai ami ba Ida Ami lahaluha hato’o obrigado” Tenik Agapito.
Entretantu serimonia despedida ne’e hala’o iha salaun ESGP Suai, Segunda feira (21/12), pastisipa husi reprezentante estudante EGPS Sira, Professor, no Estudante Estajiadu sira rasik.
Jonalista estajiadu GFD iha ERCCT : Sofia de Araujo/Adelina Borges
Editor : Chamot Nahac
