Estagiádu Na’in 10 Husi UNTL Hala’o Estágiu Durante Fulan 4 Iha ESGP Suai

Covalima (RCCT) 15-09-21, Estudante Estagiádu husi Universidade Nasional Timor Lorosa’e (UNTL) hamutuk nain 10, nebe kompostu husi Feto 6 no Mane 4, nebe hala’o Estágiu iha Eskola Sekundária Geral Públika Suai (ESGP) durante fulan hat, hahu iha Fulan Setembru to’o fulan Dezembru tinan ne’e.

Ba Jornalísta RCCT, Estagiádu Jefania Elisabet Pinto Klafika, Durante hala’o Estágiu sei kontribui esperiensia nebe maka iha ba Estudante ESGP Suai.

” Ha’u sei kontribui ha’u nia esperiensia nebe maka ha’u hetan iha ami nia Eskola Ensinu superior Universiade Nasional Timor Lorosa’e (UNTL) ba ha’u nia alin Estudante sira iha Eskola ida ne’e “ Jefania dehan.

Iha Fatin ne’e Diretor ESGP Suai Francelino Freitas Carvalho sente Kontente ho prezensa Estagiadu na’in 10, tanba bele haforsa hodi kontribui esperiensia nebe iha ba Estudante ESGP Suai.

” Ha’u sente orgulho tebes ho sira nia prezensa, porque sira kontribui esperiensia nebe maka iha ba ami nia Estudante sira, nebe ami sei halo orariu ba sira para bele destaka iha sala ida-ida depois Professor sira mos sei akonpanya sira durante sira hala’o sira nia estagiu Iha Eskola ne’e “ Katak Francelino.

Entertantu Estudante Estagiádu Na’in 10 ne’e maioria Fakuldade Edukasaun, kompostu husi Departamento Físika, Biológia, Química, Lian Tetun, no Estudante UNTL na’in 10 ne’e sei hala’o estajiu iha ESGP Suai durante fulan 4 nebe hahu iha Fulan Setembru to’o Dezembru tinan ne’e.

Jornalísta Estudantil : Rony Amaral & Juvita Ximenes
Editor : Chamot Nahac