Covalima (RCCT) 12-07-21 Durante Semana rua, Suspende aula prezensiál iha Eskola Sekundaria Geral Publika Suai (ESGP), tanba Professor na’in lima hetan Positivo Covid-19, Segunda Feira ohin ESGP hahu fali Aula Aprendizasen iha Eskola maibe Diretur Diretor ESGP Suai Francelino Freitas Carvalho hateten,sei dúvidas tanba Professor no Estudante barak seidauk simu Vasina.

” Ami suspende atividade aula prezensial durante Semana rua, maibe ohin ami reativa aula prejensial, momentu suspende tanba Professor iha ne’e na’in lima maka hetan Positivo Covid-19, maibe tuir orientasaun ne’e tenke simu hotu vasinasaun molok tama sala laran ka material ne’e atu la’o di’ak, tan ne’e Ha’u duvidas tan Mestri no Alunos barak mak seidauk simu Vasina Covid-19.” Francelino dehan iha nia kna’ar fatin ESGP Suai.

Tanba ne’ e Diretor ESGP Suai husu Servisu Saúde atu tau Sentru Vasinasaun iha Eskola Sekundaris Geral Publiku Suai nune’e Estudante ho Professor bele Simu vasina.

” husu Saude Sira tenke tau Sentru Vasinasaun Ida iha ne’e, para Komunidade nebe maka hela besik iha ne’e bele simu hotu, inklui Professor ho Estudante sira nebe maka idade 18 ba leten, Tanba tuir orientasaun molok materia ne’e atu La’o ho dia’k, maibe tenke simu hotu vasinasaun “ Francelino rekomenda.

Iha Sorin Seluk Diretur Servisu Saúde Municipio Covalima Filipe Perreira Lemos haktuir, nia parte konfirma ona ho Diretur Edukasaun Municipio, atu elabora dadus Estudante no Professor sira nian, iha Eskola sekundaria sira nebe maka lokaliza iha Municipio Covalima, atu nune’e parte Saude bele tau Sentru Vasinasaun baseia ba númeru nebe iha.

“Ha’u halo ona kontaktu ho Diretor Edukasaun Municipio Covalima, kona ba atu foti dadus ba Estudante no Professor sira nebe maka iha eskola Sekundaria Geral no teknika sira, atu nune’e ami bele monta pos tuir numero nebe maka Eskola ne’e rasik iha ” Filipe dehan.

Nune’e Diretor ESGP Nafatin informa, tuir informasaun, Professor na’in lima nebe Positivo Covid-19, husi total na’in lima ne’e balun rekuperado ona no balun sei iha sala Isolamentu. tan ne’e Diretor Franselino deklara, reativa hikas aula prejensial, maibe difisil atu kontrola Estudante Sira kona ba regras distansia sosial, Tanba total Estudante iha ESGP Suai hamutuk ema na’in 2175, no Professor hamutuk 85.

Jornalísta : Tynho Gusmão
Editór       : Chamot Nahac