Covalima (RCCT) 02-06-21,Es kola Sekundaria Geral Publiku (ESGP)-Suai iha Municipio Covaima iha hanoin diak hodi halo instalasaun rede intrenet hodi fasilita profesores no Estudante sira atu nune bele hafasil sira hodi asesu informasaun iha era dijitalizasaun ne’e.
“Objetivo hosi instalasaun rede internet ida ne’e atu hodi fasilita estudante sira iha aula pratika sensias teknologia multimedia ninian, fasilita estudante sira hodi buka informasaun liga ho prosesu ensino aprendisazen ninian nebe maka la’o iha eskola ida ne’e, hanesan mos fatin foun ida ba estudante sira bele estuda hakmatek diak liu tan” Dehan Diretur ESGP Franselino Freitas ba RCCT.
Relasiona ho instalasaun ne’e diretur hateten instalasaun ne’e hosi ekipa IT suai oan rasik nebe maka iha Dili no iha hanoin di’ak nudar Covalma oan nebe hakarak duni hadia rai ida ne’e liu husi matenek nebe maka nia iha.
“instalasaun ne’e halo hosi ita nia IT Covalima oan rasik nebe maka iha hanoin diak ba rai ida ne’e no kontribui hodi halo instalasaun nomos eskola bele kria rasik website atu nune’e eskola bele halore rasik informasun liu husi website eskola ninian e bele mos fasilita profesores sira bele aprende media teknologia ninian iha administrasaun finansas eskola ninian.” Tenik Diretur Franselino
Enkuantu fundus ba instalasaun rede internet ne’e husi Eskola mak prepara rasik nebe mak halo kolaborasun ho estudante inan aman hodi kuntribuisaun ba osan nune’e bele realiza mehi diak ida ne’e.
“ hosi eskola rasik la iha fundus atu hodi halo instalasaun ba iha rede internet ne’e mak ami hosi eskola halo kolaborasaun hamutuk ho estudante inan aman hodi halo kontribuisaun orsamentu hamutuk dolares amerikanu rihun rua atus lima nemak to’o ohin loron hodi halo instalasaun iha fatin ida ne’e” Nia Afirma
Entretantu diretur husu ba inan aman estudante atu fo apoiu nafatin ba iha oan sira atu nune’e bele asesu ba iha programa ida ne’e ho di’ak no tuir planu sei iha formasaun jornalista basiku ba estudante sira nebe maka sei fasilita hosi radio Komunidade Cova Taroman.
Jurnalista : Lito de Jesus
Editor :Chamot Nahac
