Covalima (RCCT) 12-07-21, Diretor Servisu Saúde MuniCipio Covalima Filipe Perreira Lemos, Segunda Feira ohin iha nia kna’ar fatin hateten, Eletrisidade (Ahi) nebe maka lakan mate, fo impaktu bo’ot ba kualidade Vasina, hanesan akontese ona iha Postu Fohorem tanba Eletrisidade, Ekípa husi Saúde Municipio tenki evakua Vasinasaun mai iha Saúde Municipio hodi assegura.
“ Bainhira Ahi lakan mate hela deit ka mate durante oras ha’at nia laran, ida ne’e bele estraga vasina, tanba fo impaktu bot ba kualidade Vasinasaun, hanesan mos ohin dadersan akontese iha Sentru saúde Postu Fohorem, tanba iha neba ahi mate hela deit, entaun sira kontaktu ha’u, atu vaasina neba lalais lori mai iha Municipio hodi assegura, tanba kondisaun jelera la normal ona, tanba ne’e maka ami nia Ekípa to’o kedas iha neba depois foti lori mai iha Municipio” Filipe dehan.
Diretor Servisu Saúde Municipio Covalima ne’e dehan, mekanismu nebe sira halo durante ne’e, bainhira kondisaun Eletrisidade ladi’ak, sira nia parte foti vasinasaun husi fatin ba tau iha fatin seluk, hodi salva ka asegura Vasinasaun.
“Mekanismu ami nian maka foti vasina husi fatin ida ba fatin seluk, bainhira kondisaun Eletrisidade la normal (lakan mate), atu nune’e bele salva vasina ne’e nia kualidade ka kondisaun, tanba ne’e maka ami orienta bebeik ami nia Ekipa responsavel sira atu kontrola masimu ba Vasinasaun hirak ne’e ” Filipe dehan.
Ekuanto iha Municipio Covalima foin akontese ba dahuluk, Kondisaun Eletrisidade iha Posto Administrativo Fohorem ladun di’ak hodi imapktu bo’ot ba Kualidade Vasinasaun.
Jornalísta : Tynho Gusmão
Editór : Chamot Nahac
