Antonio Mali “Eletrisidade iha Suco Datorua la lakan, tanba la iha karta kontratu”

Covalima (RCCT) 14-07-21 Relasiona ho Tinan ne’e Suco 3 (Laktos, Mape, Usekai) iha Covalima hetan instalasaun Eletrisidade, maka Komunidade iha Suco balun halo intervensaun, tanba iha Suco Datorua ahi seidauk lakan maske Dada ona linha eletrisidade ba iha Suco refere no halo ona instalsaun tama uma komunidade nian.

Supervisor EDTL.EP Municipio Covalima Antonio Mali iha nia kna’ar fatin informa, projetu iha Suco Datorua ne’e sei parado Tanba la iha Karta kontratu.

“Sim los duni iha Covalima Suco tolu maka hetan instalasaun Eletrisidade iha tinan ne’e, Agora prosessu hela, maibe iha Suco nebe maka dada ona eletrisidade maibe seidauk lakan ne’e Ita bele dehan Ida ne’e La’o ketak Tanba la iha karta kontratu Tanba ne’e EDTL.EP labele foti desizaun atu halo ahi ne’e lakan” Antonio Mali dehan.

Supervizor EDTL.EP Municipio Covalima hatutan, atu Kontinua prosessu ba Projetu instala eletrisidade iha Suco Datorua no Aitos ne’e, EDTL.EP Covalima labele foti desizaun, Tanba ne’e sei Hein despaixu husi Nasional, Tanba projetu iha Suco refere la iha Karta kontratu.

” Ida ne’e Tama hotu prosessu maibe Ita sei Hein despaisu husi Nasional molok atu Kontinua, Tanba projetu iha Suco Datorua ne’e Agora sei parado Tanba la iha Karta kontratu, nebe ami labele foti desizaun, ami Hein deit orientasaun husi Nasional” Antonio Mali esplika.

Nune’e Supervizor EDTL.EP Municipio Covalima Antonio Mali husu ba Komunidade Postu Fohorem Liu-liu Suco Datorua nebe maka ahi seidauk lakan, atu pasensia hodi Hein prosessu tuir Mai.

Jornalista : Tynho Gusmao
Editor       : Chamot Nahac