Covalima (RCCT), 22-06-21, Ekipa Servisu Covalima Vitoria ho Domin20 (EKSES-COVID20) Ajuda buka dalan ba Estudante no Komunidade sira hodi transporta mai Covalima.
Coordenador ekses-covid20 filial covalima informa iha nia intervensaun wainhira realiza serimonia intrega komunidade no estudante sira ba administrador covalima iha komando PNTL Covalima, Martino Alves dehan etapa ida ne’e hanesan fase ba datoluk EKSES-COVID20 lori fila komunidade no estudante fila mai Covalima.
“EKSES-COVID-20 esforsu an ba ita nia maluk estudante no Komunidade sira nebe atu fila Covalima, Tami husu ajuda ba maluk Timor Oan liu liu Covalima Oan Sira iha Dili no Rai Liur, nebe ho domin no fuan boot tebes sira ofrese sira nia material no Osan, nebe maka ohin loron EKSES COVID-20, hamotuk ho maluk estudnate sira halo viazen fila mai ita nia Municipio, etapa primero etapa segundu ho ida nee ba etapa datoluk ona, iha Etapa ida ne’e hanesan Etapa Ikus ona” Dehan Martino Alves
Liu husi intervensaun ne’e, Martino mos husu obrigado ba Administrador Covalima no mos Komandante PNTL Covalima nebe durante ne’e iha koperasaun di’ak ho EKSES-COVID20 hodi halo servisu tuir nune’e alkansa obejektivu nebe EKSES-COVID20 iha ona.
Martino mos dehan Aktividade lori fila komunidade no estudante fila mai Covalima ikus mak faze datoluk ne’e, maibe misaun EKSES-COVID20 nian ba Covalima seidauk Remata.
“ Agradese ba Administrador Covalima, PNTL, ho Jestaun Krizi Covalima nebe fasilita ona ami husi Nacional mai to Municipio no Seguransa sira sempre akompanha ami nia Viazen” Katak Martino Alves
Iha fatin hanesan Komandante PNTL Covalima Antonio Maria de Sa hato’o Bem Vindo ba Komunidade no Estudante nebe to’o mai Covalima ho Saudavel.
Nia mos agradese ba EKSES-COVID20 nebe ho Espritu Kamardazen hodi identifika no organiza Komunidade no Estudante sira fila mai Covalima nebe la’o ho Displina.
“Ha’u nia Bem Vindo ba Inan aman sira, ba mos estudante sira nebe foin to’o mai ho isin diak hotu, agradese mos ba EKSES-COVID20 nebe ho Ispritu Kamardazen bo’ot tebes nebe organiza, no idetifika ita maluk sira iha Dili nebe hakarak mai Covalima, no Ikus mai ita nia maluk sira ne’e to’o duni iha ita nia Municipio nebe mak ho Viazen ida nebe mak la’o tuir disiplika” Dehan Comandante Munisipiu Covalima Antonio Maria de Sa
Tuir Informasaun nebe RCCT Asesu, Komunidade no Estudante nebe Ekses Covid-20 Tansporta fila mai Covalima ba etapa datoluk ne’e hamotuk ema na’in 242.
No to’o iha Covalima ofisialmente EKSES-COVID20 Intrega Komunidade no Estudante sira ne’e ba Autoridade Covalima nebe simu direita husi Administrador Covalima Fransisco De Andrade.
Engkuantu partisipa iha serimonia simu komunidade no estudante sira ne’e maka Administrador Covalima, Komandante PNTL Covalima, Komandante F-FDTL ba Sentru Jestaun Krizi Covalima.
Kobertura : Jornalista Estudantil ESGP Suai “ Rony Amaral” ba RCCT.
Editor : Chamot Nahac
