Covalima (RCCT) 14-07-21, Lixu halo Ambiente iha We Matan (Mata Air) la furak, EKSES-COVID20 Inisia halo Limpeza iha We Matan Publiku nebe durante ne’e Komunidade Suco Debos Aldeia Asumaten no Bairo Aidila Laran Uja hodi Sustenta Nesesidade uma laran ninian.
Koalia ba Jornalista cordenador EKSES COVID -20 Municipio Covalima Martinho Alves dehan Objectivu husi limpeza ne’e tanba ambiente iha we matan foer ka la furak ona iha ema nia matan tanba komunidade barak liu mak soe lixu besik iha fatin ne’e, relasiona ho lixu hirak nebe mak nakonu iha wee matan ne’e Nartinu husu ba Autoridade Kompetente atu labele tau matan deit ba buat nebe mak bo’ot maibe nia impacto ki’ik maibe hare mos ba buat nebe mak ki’ik maibe iha nia impacto nebe bo’ot .
“Ita hosi juventude no organizasaun ida husu ba Autoridade kompetente hanesan Administrador Suai, Xefe Suco Debos no Xefe Aldeia Asurai atu bele tau matan ba fatin ida ne’e labele hare liu buat ne’ebe ke bo’ot maibe nia Impacto ki’ik maibe hare liu ba buat ne’ebe ki’ik hanesan lixu ne’e maibe nia impacto bo’ot tebes ba komunnidade sira nebe konsumo we ida ne’e no uza fatin nee ” Dehan Matinho Alves ba jornalista
Martinho Alves husu mos ba komunidade sira nebe mak uza wee matan ne’e atu bele halot lixu ho didi’ak iha fatin nebe prepara ona maske fatin nebe iha la sufisiente atu halot lixu nebe barak maibe bele utiliza hamenus lixu.
“Hanesan joven hakarak rekomenda deit ba ba comunidade sira neebe mak uza be ida nee hanesan comunidade sira iha aldeia asumaten asurai no ba sira neebe mak hela besik fatin nee halo favor tenki halot lixu sira nee ho didi’ak lixu neebe ke ita lori rai didiak iha lixeiro maske la sufisiente maibe tenki rai iha neba atu nune bele hamenus soe foer iha nee no lixu sira ne’e bele menus ” Martinho hatutan.
Iha sorin seluk Xefe Suco Debos Agustinho da Silva agradese ba ekipa nebe ho fuan bo’ot hamos ona bee matan ne’e no nia hatutan iha futuro nia mos sei kontrola maximu nia komunidade sira nebe mak soe lixu arbiru iha fatin besik bee matan ne’e.
“Hanesan autoridade suco ha’u agradese tebes ba imi tamba ho fuan nebe bo’ot hamos ona lixu hirak nebe mak komunidade sira soe arbiru iha parte ida mos ita bot sira ajuda ona ami no ba oin ha’u mos kontrola maximuba ha’u nia komuinidade sira atu nune’e sira nebe mak maif ase ropa karik halot lixu didi’ak no la bele soe lixu arbiru” Katak Xefe Suco Debos Agustino da Silva.
Engkuantu partisipa iha limpeza we matan (Mata Air) ne’e ,EKSES-COVID20 AEJS, FCH, Media sira iha Covalima hanesan Radio Cova Taroman, no Tempo Timor.
Jornalista : Jana Cardoso
Editor : Chamot Nahac
