Dili (RCCT) 21-05-21 Relasiona ho Numeru Kazubpositivo Covid 19 sa’e maka’as iha Capital Dili, inklui Municipio sira seluk,maka Governo deside implementa Estado Emergensia (EE), no Sérka Sanitária (SS), halo Konfinamento Obrigatório (KO) iha Capital Dili, hodi hapara acitividades hotu iha Capital Dili inklui Municipio sira seluk.
Tanba ne’e Ekípa Servisu Covalima Vitoria ho Domin (EKSES COVID 20) iha Dili ho inisiativa hodi fasilita Estudante Covalima oan nebe hala’o estudu iha Capital Dili, nebe mak hakaraka fila ba nia uma knua iha Municipio Covalima.
Relasiona ho transporta fila Estundante fila ba Covalima ne’e, Cordenador Geral Ekses Covid 20 Mario Tilman hateten, Estudante sira iha Capital Dili, enfrenta menus Ai-han inklui la iha osan atu selu kost, tanba ne’e Ekses Covid 20 ho inisiativa kria kondisaun hodi transfere Estudante hamutuk 79 mai Covalima.
“ Inisiativa ida ne’e hanoin atu lori Estudante sira ba Covalima, tanba ho situasaun Serka Sanitária, Estudante sira komesa Enfrenta ona menus Aihan, nomos sira preokupa ho sira nia kost, tanba Inan sira barak maka la hetan rendimento oinsa atu sustenta sira, tamba eskola hotu sei feriado, tamba ne’e EKSES Covid 20 hanoin atu responde sira nia preokupasaun entaun tenke lori sira fila ” Dehan Mario Tilman.
Mario Tilman Salienta, transporte nebe uja hodi tula fila estudante sira ne’e hetan apoio husi maluk Timor oan no Komunidade Covalima oan balu nebe hela iha Dili.
“ Agora, Estudante 79 maka atu fila ba Covalima, maibe sei iha espasu ba faze tuir mai, ba Estudante nebe maka atu fila ba Covalima, Ekses COvid 20 nafatin Kria Kondisaun, tanba transporte nebe maka iha apoio husi ita nia maluk Timor oan balun no komunidade Covalima oan balu nebe hela iha Dili” Mario Tilman hatutan.
Team Leader ba Aktividade lori Fila estudante ba Covalima Martinho Alves informa, garantia sei lori Estudante sira to’o iha Covalima tanba halo viazen ho dokumentos kompleto no tuir protokolu OMS nian.
“ Hau akonpanha maluk Estudante sira to’o iha Covalima tanba ami la’o ho dokumentos kompleto no tuir protokolu OMS nian ” dehan Martinho ba Jornalista sira iha Posko EKSES COVID20 iha Sede Renetil Farol Dili Sexta Feira (21-05).
Reprezentante Estudante Cornelia Cardoso agradese ba EKSES-COVID 20 tanba bele lori sira fila husi Capital Dili mai iha Municipio Covalima.
“ Ha’u agradese ba EKSES-COVID 20 tanba bele lori ami fila ona husi Dili ba Covalima, tamba durante ne’e hasoru difilukdades barak iha Capital Dili ” Cornelia dehan.
EKSES-COVID 20 hamrik ho voluntariamente ho objetivo atu kompleta servisu governu nian, tanba ne’e sira halo ona karta pedidu ba MSSI,IGE,CLN oinsa bele apoio transporte atu lori Estudante sira fila ba Covalima iha faze tuir mai.
Jornalísta : Tynho Gusmão
Edítor : Chamot Nahac
