Edmundua Ferreira “Kanal Televizaun, Radio no Rede Internet Sai Obstaklu ba Estudante iha Area Remotas Asesu Eskola ba Uma”

Foto: Diretur Servisu Edukasaun Municipio Covalima ” Edmundus Ferreira”

Covalima (RCCT) 09-09-21, Bazeia ba Avaliasaun nebe Diretur Servisu Edukasaun Municipio Covalima halo ho Diretures Eskola sira iha Covalima hodi koalia kona ba partisipasaun profesores sira iha Vasinasaun no Eskola ba Uma. Husi Avaliasaun ne’e hatudu iha politika Eskola ba uma estudante sira nafatin hasoru obstaklu no dezafius no dezafius.

Informa ba Jornalista sira Diretur Servisu Edukasaun Municipio Covalima Edmundus Ferreira dehan ho Implementasaun Eskola ba Uma estudante sira iha area remotas hasoru dezafius kona ba susar atu asesu ba Kanal Televisaun no Radio inklui Rede Internet ba Estudante sia atu hodi asesu ka partisipa iha Eskola ba Uma ne’e.

Obstaklu no Defafiu nafatin iha, liliu kona ba kanal televizaun, radio no internet, Kanal sira ne’e sai nafatin Obstaklu Tanba labarik sira nebe hela iha area remotas laiha rede atu hodi asesu televizaun, radio, internet atu hodi asesu ba Youtube no Facebook, tanba ne’e sira akompanya programa eskola ba uma ne’e ladun diak. Sira so hetan deit livru no rezume materia husi profesores sira.” Dehan Diretur ba Jornalista sira iha Edifisiu Servisu Edukasaun Covalima.

Nune’e mos Diretur Servisu Edukasuan Covalima Afirma Politika eskola ba uma ne’e hahu iha tina 2020 nebe Ministerio Edukasaun Juventude no Desportu (MEJD) Politikamente iha eskola ida idak fahe livru ba estudante sira no halo rezumu materia ba estudante sira hodi estuda iha uma.

Politika Ministerio nian mak eskola sira tenki fahe livru ba estudante sira no halo rezumu ba materia hodi fo ba estudante sira atu estuda iha uma, fo Pergunta ba labarik sira hodi responde iha uma depois lori fali mai para profesor halo koresaun, ida kontinua tuir maneira nebe sira iha.” Tenik Nia

Entretantu Tuir Diretur Servisu Edukasaun Municipio Covalima Dezafius nebe estudante sira iha area remotas hasoru wanhira atu partisipa iha eskola ba uma ne’e maka Kanal Televizizaun Radio, no Rede Internet.

Jornalista : J Ferreira

Editor       : Chamot Nahac